Ինչպես է պարետատունը թվային գործիքների միջոցով պարզում վարակակրի շփման շրջանակը

Պարետատունը տեսանյութ է հրապարակել, թե ինչպես են վարակակրի շփման շրջանակը թվային գործիքների միջոցով պարզում։ Փոխվարչապետ Տիգրան Ավինյանի խորհրդական Բագրատ Բադալյանը տեսանյութում մանրամասն ներկայացնում է այն, անդրադառնալով նաեւ զանգերի միջոցով կոնտատկտավորների հետ շփման շրջանակը բացահայտելուն։

«Տվյալների հավաքագրումը 2 եղանակով է տեղի ունենում։ Առաջին՝ առողջապահական մարմինները հավաքագրում են տվյալներն անմիջապես շփվելով հիվանդների հետ եւ պարզելով բոլոր հնարավոր կոնտակտները, որոնք հիվանդն ունեցել է։ Երկրորդ խումբ հետարքրող տվյալները ստանում ենք բջջային օպերատորների կողմից, դրանք են հիվանդի ունեցած զանգերը վերջին շրջանում։ Զանգեր բովանդակությունը եւ տեւողությունը մեզ չի հետաքրքրում եւ այդ տվյալները չեն հավաքագրվում։ Տվյալները հավաքագրվում են էլեկտրոնային կառավարման ենթակառուցվածքների ներդրման գրասենյակի սերվերում, որոնք ամբողջությամբ պաշտպանված են եւ արտաքին ներգործության չեն կարող ենթարկվել։ Ունենալով զագերի շփման շրջանակը դրանք համադրվում են այդ անձի եւ զանգ կատարած անձանց տեղադիրքի տվյալները, որպեսզի պարզենք արդյոք այդ անձինք նույն տեղում գտնվել են, թե ոչ»,– նշում է Բադալյանը։

Նրա խոսքով՝ արդյունքում ստեղծվում է վարակակրի հետ շփված անձանց երկար ցուցակ. «Երկար ցուցակը կազմելուց հետո պարետատանը գործող Արտակարգ իրավիճակների նախարարության եւ Առողջապահության աշխատակիցներն այդ ցուցակով զանգեր են իրականացնում եւ կատարում են հարցազրույց։ Որոշվում է այդ մարդիկ ինքնամեկուսացման ենթակա՞ են, թե՞ ոչ։ Եթե ինքնամեկուսացման ենթակա է, իրենց հրահանգ է տրվում՝ ինքնամեկուսանալ»։

Նրա խոսքով՝ վարակի տարածումը կանխարգելելու նպատակով՝ ներդրվել է թվային ծրագիր, որի միջոցով հնարավորություն են ունենալու պոտենցիալ վարակակրի հետ շփված անձանց, որոնք ենթարկվում են ինքնամեկուսացման, վերահսկելու, նրանց հետ պարբերական շփումներ ունենալու, իմանալու նրանց առողջական վիճակի մասին, ինչպես նաեւ վերահսկել նրանց ելումուտը ինքնամեկուսացման վայրից. «Առաջին գործողությունը դա ԱԻՆ–ի եւ ԱՆ–ի աշխատակիցները, որոնք տեղակայված են պարետատանը, պարբերաբար հավաքագրում են տվյալներ, թարմացնում, լրացնում բացակա տվյալները, հարցնում առողջական վիճակի մասին, սննդի անհրաժեշտության մասին տվյալներ, ծայրահեղ դեպքերում, երբ սննդի անհրաժեշտություն կա, կամավորների կողմից կազմակերպվում է այդ սննդի առաքումը եւ այլն։ Հեռախոսի մասին տեղեկատվություն ենք հավաքագրում, ինտերնետի առկայության մասին, նաեւ հեռախոսի տըեսակի մասին, որպեսզի պարզենք, արդյոք ինքնամեկուսացված անձը հնարավորություն ունի այդ հաղորդագրությանը պատշաճ ձեւով պատասխանել։ Երկրորդ գործողությունը՝ պարբերաբար, ամենօրյա ռեժիմով, կարճ հաղորդագրություն է ուղարկվում ինքնամեկուսացված անձանց բջջային հեռախոսներին։ Դա վեբ ինտերֆեյսով կարճ հաղորդագրություն է, որի հղումով անցնում են այդ ինտերֆեյսին եւ պատասխանում առողջական վիճակի մասին հարցերին՝ ունե՞ն ջերմություն, թե՞ չէ, ախտանիշներ, թե՞ ոչ, որից հետո նաեւ ինքնալուսանկարվում են, որպեսզի մենք պարզենք արդյոք անձը ի՞նքն է լրացրել այդ տեղեկատվությունը, թե՞ ոչ, գտնվո՞ւմ է ինքնամեկուսացման վայրում, թե՞ ոչ։ Ինքնալուսանկարման պահին մենք նաեւ վերցնում ենք տեղեկատվություն իր գտնվելու վայրի մասին եւ համադրում նախապես վերցրած ինքնամեկուսացման վայրի տվյալների հետ եւ եթե դրանք չեն համնկնում իրար , ապա ավտոմատացված եղանակով հաղորդագրությունը փոխանցվում է ոստիկանությանը՝ հետագա գործողություններ իրականացնելու համար։ Ոստիկանությունը տարածքային ստորաբաժանումների միջոցով այդ պրոցես վերահսկում է, գնում է ինքնամեկուսացման հասեցե, ստուգում այդ մարդկանց առկայությունն այդ հասցեում, եթե չեն գտնվում այդ հասցում՝ տուգանվում են»։

Բադալյանի խոսքով՝ գործընթացի նպատակը հանրությանը պաշտպանելն է հնարավոր վարակի տարածումից։