Աբեն հայտնել է, որ Օլիմպիադայի հետաձգումը հնարավոր է
Տոկիոյում ամառային Օլիմպիական խաղերի անցկացման հետաձգումը հնարավոր է, եթե հնարավոր չլինի մրցությունն անցկացնել սովորական ձեւաչափով: Այս մասին երկուշաբթի հայտարարել է Ճապոնիայի վարչապետ Սինձո Աբեն խորհրդարանում ելույթ ունենալիս, փոխանցում է ՏԱՍՍ-ը:
«[Միջազգային օլիմպիական կոմիտեի (ՄՕԿ) դիրքորոշումը] համապատասխանում է [Օլիմպիադան] ամբողջական ձեւաչափով անցկացնելու կուրսին, ինչի մասին ես ասում էի: Եթե հնարավոր չլինի դա իրականացնել, ապա անհրաժեշտ կլինի հետաձգման մասին որոշում ընդունել՝ ելնելով այն հանգամանքից, որ մենք առաջին հերթին պետք է մտածենք մարզիկների մասին»,- ասել է նա:
Աբեն նաեւ ընդգծել է, որ Օլիմպիադայի անցկացման վերաբերյալ որոշումը կայացնում է ՄՕԿ-ն, եւ այս պահին օրակարգում չկա Խաղերը չեղյալ հայտարարելու հարց:
ՄՕԿ-ն ավելի վաղ տարածել էր կազմակերպության ղեկավար Թոմաս Բախի նամակը, որում նշվում էր, որ Տոկիոյում ամառային Օլիմպիական խաղերի անցկացման հնարավորության վերաբերյալ որոշումն ընդունվելու է 4 շաբաթվա ընթացքում՝ հաշվի առնելով կորոնավիրուսի տարածման հետ կապված իրավիճակը: Բախը նաեւ նշել էր, որ Խաղերը չեղյալ հայտարարելը ոչ մի խնդիր չի լուծի, ուստի հիմա օրակարգի մեջ չէ: Մինչ այդ ՄՕԿ-ն ու Ճապոնիայի իշխանությունները գրավում էին հետեւողական դիրքորոշում՝ հայտարարելով, որ Խաղերը կայանալու են նախանշված ժամկետում: Օլիմպիադան անցկացվելու է հուլիսի 24-ից օգոստոսի 9-ը:
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Մոսկվայի բոլոր օդանավակայանները կրկին դադարեցրել են աշխատանքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար