Քուվեյթը կորոնավիրուսի պատճառով դադարեցրել է ավիահաղորդակցությունն Իրանի հետ
Քուվեյթից Իրան և հակառակ ուղղությամբ չվերթները չեղարկվել են` Իրանի մի շարք քաղաքներում կորոնավիրուսի տարածման պատճառով: Այս մասին տեղեկացնում է РИА Новости գործակալությունը` հղում անելով Քուվեյթի քաղաքացիական ավիացիային:
«Դադարեցվել են դեպի Իրան և հակառակ ուղղությամբ բոլոր չվերթները` կապված իրանական Ղոմ քաղաքում կորոնավիրուսով վարակման դեպքեր գրանցվելու հետ»,- ասված է քուվեյթական KUNA գործակալության տարածած հայտարարության մեջ:
Քուվեյթի քաղավիացիայի վարչությունում նշել են նաև, որ արգելվում է նաև այն օտարերկրյա քաղաքացիների մուտքը Քուվեյթ, որոնք վերջին երկու շաբաթվա ընթացքում եղել են Իրանում: Իրանից ժամանած Քուվեյթի քաղաքացիները կգտնվեն կարանտինում: Քուվեյթը նաև կոչ է արել իր քաղաքացիներին ժամանակավորապես դադարեցնել Իրան կատարելիք այցերը:
Քուվեյթի նավահանգստային վարչությունն էլ իր հերթին դադարեցրել է ուղևորափոխադրումներն Իրանից Քուվեյթ և հակառակ ուղղությամբ:
Ինչպես ավելի վաղ տեղեկացրել էր Tert.am-ը, երեկ` փետրվարի 21-ին, Իրանի առողջապահության նախարարությունը երկրի տարածքում կորոնավիրուսով վարակման 13 նոր դեպք է գրանցել, վարակվածներից երկուսը մահացել են: Այդպիսով վարակման դեպքերի ընդհանուր թիվը հասել է 18-ի, ինչի հետևանքով մահացել է 4 մարդ:
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Մոսկվայի բոլոր օդանավակայանները կրկին դադարեցրել են աշխատանքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար