Թրամփը զրուցել է Էրդողանի հետ
ԱՄՆ նախագահ Դոնալդ Թրամփը եւ նրա թուրք գործընկեր Ռեջեփ Թայիփ Էրդողանը քննարկել են Սիրիաի եւ Լիբիայի իրավիճակը, ինչպես նաեւ Իրանում ընթացող բողոքի ցույցերը: Այս մասին հայտնում է Սպիտակ տունը:
Լիբիայում հունվարի 12-ին Ռուսաստանի եւ Թուրքիայի նախագահների առաջարկած նախաձեռնության շրջանակում ուժի մեջ է մտել հրադադարի ռեժիմը Տրիպոլիում միջազգայնորեն ճանաչված Ազգային համաձայնության կառավարության (ԱՀԿ) եւ Լիբիական ազգային բանակի (ԼԱԲ) ուժերի միջեւ, որի հրամանատարը ֆելդմարշալ Խալիֆա Հաֆթարն է: Հունվարի 13-ին կողմերի ներկայացուցիչները Մոսկվա էին ժամանել բանակցությունների, որի արդյունքներով ԱՀԿ ներկայացուցիչները հրադադարի մասին համաձայնագիրը ստորագրել էին:
Հաֆթարը դադար էր վերցրել համաձայնագիրն ուսումնասիրելու համար, սակայն ավելի ուշ, ինչպես փոխանցել են արաբական լրատվամիջոցները, Մոսկվայից հեռացել էր առանց համաձայնագիրը ստորագրելու: Տրիպոլիի հարավում հունվարի 14-ի գիշերը զինված բախումները վերականգնվել էին. վճռական հարձակում սկսելու մասին Հաֆթարը հայտարարել էր դեռեւս դեկտեմբերին: ԼԱԲ-ն հանդես էր եկել հայտարարությամբ, որում նշված էր «հաղթանակի հասնելու պատրաստակամության եւ վճռականության մասին»:
Թուրքիայի ազգային պաշտպանության նախարարությունը հունվարի 10-ին հայտնել էր, որ Անկարան եւ Մոսկվան պայմանավորվել են հունվարի 12-ից հրադադարի ռեժիմ հաստատել Սիրիայի հյուսիսում Իդլիբի ապաէսկալացիայի գոտում:
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար