Իրանում հազարավոր մարդիկ փողոց են դուրս եկել՝ դիմավորելու գեներալ Սոլեյմանիի դագաղը

«Ռոսիա 24» Youtube-ալիքում հայտնվել է տեսանյութ, որում երեւում է, թե ինչպես են մարդիկ դիմավորում Իսլամական հեղափոխության պահապանների կորպուսի (ԻՀՊԿ) «Կուդս» հատուկ ստորաբաժանման ղեկավար, գեներալ Ղասեմ Սոլեյմանիի դագաղը։

Ինչպես նշում է հեռուստաալիքը, Իրանում հազարավոր մարդիկ դուրս են եկել փողոցներ՝ հրաժեշտ տալու գեներալին, որի մարմինն այսօր հասցվել է հայրենիք։

Ներկայում Ահվազում տեղի է ունենում գեներալի հրաժեշտի արարողությունը։

Դրանից հետո ԱՄՆ ՌՕՈւ հարվածների հետեւանքով զոհվածների մարմինները կտեղափոխվեն Մեհշեդ, այնուհետեւ՝ Թեհրան, Կում եւ Քերման։

Գեներալ Սոլեյմանին սպանվել է ուրբաթ օրը՝ հունվարի 3-ին, Բաղդադի օդանվակայանի մոտ ԱՄՆ ՌՕՈւ ավիահարվածի հետեւանքով։ Սոլեյմանիից բացի սպանվել են «Ալ Հաշդ աշ Շաաբի»-ի հրամանատարի տեղակալ Աբու Մահդի ալ Մոհանդեսը եւ նրա մոտ տասը զինակիցներ։ Զոհվածները երկու մեքենայով դուրս էին եկել Բաղդադի օդանավակայանից։ ԻՀՊԿ-ն հաստատել է Իրաքում գեներալ Սոլեյմանիի սպանությունը։

Իսլամական հեղափոխության գերագույն առաջնորդ, այաթոլա Ալի Խամենեին եռօրյա համազգային սուգ է հայտարարել Սոլեյմանիի սպանության առիթով՝ հայտարարելով, որ դաժան վրեժ է սպասվում նրանց, ում ձեռքերին է նրա, ինչպես եւ մյուս նահատակների արյունը։

Այս թեմայով ԱՄՆ-ը պատժամիջոցներ է սահմանել Իրանի հետ կապված ընկերությունների նկատմամբ Թրամփը չի խոչընդոտի Ֆրանսիային՝ Իրանին բժշկական նյութեր մատակարարելու հարցում. TACC Իրանի Ազգային անվտանգության բարձրագույն խորհրդի ղեկավարը հայտնել է, որ Թրամփը կորոնավիրուսից ավելի վտանգավոր է. Tasnim ԱՄՆ պատժամիջոցները «տնտեսական եւ բժշկական» ահաբեկչություն են Խամենեին մերժել է կորոնավիրուսի դեմ ԱՄՆ-ի առաջարկած օգնությունը