Թուրքիայի նախկին արտգործնախարար Ալի Բաբաջանը հունվարին նոր կուսակցություն կհիմնի

Թուրքիայում Ահմեդ Դավութօղլուի «Ապագա» կուսակցության ստեղծումից հետո 2020 թվականի հունվարին կհիմնադրվի ևս մեկ կուսակցություն: Նոր կուսակցության հիմնադիրը Թուրքիայի նախկին արտգործնախարար և փոխվարչապետ Ալի Բաբաջանն է, որը, ինչպես և Դավութօղլուն, իր քաղաքական գործունեության հիմնական մասը ծավալել է Թուրքիայում ներկայումս իշխող «Արդարություն և Զարգացում» կուսակցության շարքերում: Վերջերս Բաբաջանը հայտնել էր Էրդողանի կուսակցությունից դուրս գալու և նոր քաղաքական ուժ ստեղծելու մտադրության մասին:

Թուրքական T 24 լրատվական կայքին տված հարցազրույցում նախկին արտգործնախարարը տեղեկացրել է, որ կուսակցության ստեղծման աշխատանքները սպասվածից երկար են տևել և կավարտվեն 2020-ի հունվարին:

Բաբաջանը նշել է, որ իր կուսակցության անվանումը որոշելու է ժողովուրդը, սակայն չի հստակեցրել, թե ինչ մեթոդով է դա լինելու:

«Մեր կուսակցությունը ունենալու է ծատ լավ կադրեր և չի լինելու «մեկ մարդու կուսակցություն»: Թուրքիան կարիք չունի ևս մեկ «Մեկ մարդու կուսակցության» (ակնարկել է Էրդողանի «Արդարություն և զարգացում» կուսակցությանը)»,- ասել է Ալի Բաբաջանը:

Նախկին պաշտոնյան հասցրել է նաև առաջին խոստումները տալ, նշելով, որ ընտրվելու դեպքում իրենք մեկ ամսվա ընթացքում կկայունացնեն Թուրքիայի տնտեսությունն ու դատական համակարգին կտեղեկացնեն, որ նրանք այլևս չպետք է գործեն ըստ հեռախոսազանգերի:

Այս թեմայով Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին