Ադրբեջանի ընտրություններին մասնակցելու հայտ է ներկայացրել 20 քաղաքական ուժ
Ադրբեջանի արտահերթ խորհրդարանական ընտրություններին մասնակցելու հայտ է ներկայացրել 20 քաղաքական ուժ՝ հիմնականում ոչ ընդդիմադիր կուսակցություններ: Փետրվարի 9-ին նախատեսված Միլի մեջլիսի ընտրություններին մասնակցող կուսակցությունների ցանկը նախօրեին հրապարակել է Կենտրոնական ընտրական հանձնաժողովը:
Միակ ընդդիմադիր ուժը, որը թեկնածուներ կառաջադրի այդ ընտրություններում Իլգար Մամեդովի գլխավորած ReAl կուսակցությունն է, սակայն քաղաքական այդ ուժի գրանցված չլինելու պատճառով դրա ներկայացուցիչներն ընտրություններին կմասնակցեն առանձին։
Ադրբեջանի հիմնական ընդդիմադիր ուժերը՝ Ժողովրդական ճակատը և Ժողովրդավարական ուժերի ազգային խորհուրդը, բոյկոտել են ընտրությունները՝ հայտարարելով, որ դրանց արդյունքները կանխորոշված են, քանի դեռ չեն իրականացվել իրենց պահանջները՝ «հավասար պայմաններ ստեղծել քարոզչության համար, վերացնել թեկնածուների գրանցման արհեստական խոչընդոտները, ընտրական հանձնաժողովներում ընդգրկել ընդդիմության ներկայացուցիչներին»։
Մոտ մեկ ամիս առաջ Միլի մեջլիսում բացարձակ մեծամասնություն ունեցող «Ենի Ազերբայջան»-ը անակնկալ հայտարարեց օրենսդիր մարմինը լուծարելու անհրաժեշտության մասին, քանի որ այն «խանգարում է երկրի առաջնորդի բարեփոխումներին»։
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար