«Նախահարսանեկան» հետազոտություն Ադրբեջանում․ 135 մարդու մոտ ՁԻԱՀ է հայտնաբերվել
ՁԻԱՀ-ով 135 հիվանդ, սիֆիլիսով 297 հիվանդ և թալասեմիայի 3 393 կրող․ այսպիսին են Ադրբեջանում ամուսնությունից առաջ պարտադիր բժշկական հետազոտության տարեկան արդյունքները։ Ընդհանուր առմամբ, 2019 թ-ի 11 ամսվա ընթացքում նախաամուսնական հետազոտություն է անցել 126 402 մարդ, հաղորդում է Report-ը։
Նախազգուշացնել վտանգի մասին
Պարտադիր բուժհետազոտությունը ներմուծվել է 2015 թ-ին։ Զույգերը, որոնք որոշել են ամուսնանալ, պետք է սեռավարակների, ինչպես նաև թալասեմիայի անալիզներ հանձնեն, վերջինս արյան ժառանգական ծանր հիվանդություն է։ Հետազոտությունն անվճար է։
Բավականին հաճախ Ադրբեջանում տղամարդը կնոջը վարակում է սեռավարակով, և դա հայտնաբերվում է կնոջ հղիության փուլում։ Ընդ որում, ամուսինը կարող է և չիմանալ, որ հիվանդ է։
Մյուս կողմից, ադրբեջանցիների շրջանում շատ են թալասեմիայի կրողները։ Եվ եթե այս հիվանդության երկու կրողներ ամուսնանան, ռիսկը մեծ է, որ նրանց երեխան հիվանդ կծնվի։
Այսպիսով, նախաամուսնական ստուգման նպատակը ժամանակին մարդկանց իրազեկելն է, որ նրանք նվազագույնը տեղյակ լինեն, թե ինչ հետևանքներ կարող են ունենալ։
Ստուգումների արդյունքների մասին բժիշկները հաղորդում են միայն ստուգվածին, բայց ոչ նրա զուգընկերոջը։ Սակայն, ըստ օրենքի, ՄԻԱՎ/ՁԻԱՀ-ով վարակված մարդը պարտավոր է այդ մասին հաղորդել իր զուգընկերոջը կամ ապագա ամուսնուն, այլապես, նա քրեական պատասխանատվության է ենթարկվում։
Իրականում, շատ քիչ զույգեր են հարսանիքը չեղարկում այդ հետազոտությունից հետո։
Ոչ միանշանակ արդյունքներ
Վիճակագրությունը ցույց է տալիս, որ տարեցտարի ՁԻԱՀ հայտնաբերման դեպքերը նման ստուգումների ժամանակ ավելանում են, թեև այս տարին կարելի է բացառություն անվանել․
2016 թ-ին՝ 109 մարդ 143 694 հետազոտվածից;
2017թ-ին՝ 119 մարդ 135 990-ից;
2018թ-ին՝ 173 մարդ 135 529-ից։
Թալասեմիայի հանրապետական կենտրոնի տնօրեն Վալեհ Հուսեյնովըդժվարանում է ասել, թե որքան ուժեղ է ազդել պարտադիր բուժզննման ներմուծումն այդ հիվանդությամբ հիվանդների թվի վրա․ «Նման ծրագրերի արդյունքների մասին կարելի է խոսել նվազագույնը հինգ տարի անց»։
Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ
ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան
Ալիևը պաշտոնական այցով ժամանել է Թուրքիա
Ադրբեջանն ու Ղազախստանը համատեղ վարժանքներ կանցկացնեն
«Ռոյթերզ». «Մոսկվան լարվածություն է բորբոքել հօգուտ Ադրբեջանի»
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար