Վրաստանում նախորդ տարվա նոյեմբերի համեմատ գնաճը կազմում է 7%

Վրաստանի վիճակագրության ազգային գործակալության տվյալներով՝ 2019 թվականի նոյեմբերին նախորդ ամսվա համեմատ գնաճի մակարդակը երկրում կազմում է 0,9 տոկոս, իսկ տարեկան գնաճի մակարդակը կազմում է 7,0 տոկոս:

Նույն ժամանակահատվածում, առանց ծխախոտի գնաճի մակարդակը նախորդ ամսվա համեմատ կազմել է 0,8 տոկոս, իսկ նախորդ տարվա նույն ժամանակահատվածի համեմատ սպառողական գներն աճել են 6,3 տոկոսով:

Ինչ վերաբերում է հիմնական գնաճին, ապա այդ ցուցանիշը 2019-ի նոյեմբերին կազմել է 4,9 տոկոս:

Սննդամթերքի և ոչ ալկոհոլային խմիչքների խմբում արձանագրվել է գների 1,2 տոկոսանոց աճ:

Աղբյուրը՝ aliq.ge