«Ինձ պարզապես Ռոբին Հուդ անվանեք». Ստամբուլում անհայտ բարերարը մարել է կարիքավորների պարտքերը (տեսանյութեր)
Ստամբուլի Թուզլա թաղամասի աղքատ ընտանիքներից մի քանիսը պատմել են իրենց ֆինանսապես օգնած առեղծվածային բարեգործի մասին, որը մթերային խանութներում մարել է իրենց պարտքերը, ինչպես նաև կանխիկ գումարով ծրարներ թողել դռների մոտ: Այս մասին գրում է odditycentral.com-ը՝ հավելելով, որ ըստ բնակիչների՝ իր ինքնությունը բացահայտել չցանկացող անձն այսպիսով փորձում է Աստծո բարեհաճությանն արժանանալ:
«Մի անծանոթ եկավ ու խնդրեց ցույց տալ հաճախորդների պարտքերի ցուցակը: Ես նրան պատմեցի, որ չորս հոգի մեծ պարտքեր ունի ու ցույց տվեցի՝ որտեղ են նրանք ապրում: Նա գնաց, հետո կրկին վերադարձավ ու վճարեց նրանց պարտքերը: Հետո իմացա, որ այդ մարդկանց հետ խոսելուց հետո, նա նրանց նաև կանխիկ գումար է տվել: Երբ հետաքրքրվեցի՝ ինչ է նրա անունը, ասաց. «Ինձ պարզապես Ռոբին Հուդ անվանեք»»,-պատմել է խանութպան Թունչայ Յասարը:
Նրա խոսքով՝ երեսուն տարի խանութում աշխատելու ընթացքում երբևէ նման բան չէր տեսել:
Բացի այդ, անհայտ բարերարը Ստամբուլի աղքատ թաղամասերից մի քանիսում թղթադրամներով լի ծրարներ է դրել կարիքավոր ընտանիքներից մի քանիսի տների դռների մոտ: Ծրարներից յուրաքանչյուրում եղել է 175-ական դոլար: Մինչդեռ խանութներում նրա մարած պարտքերի ընդհանուր գումարը հասնում է մոտ 5000 դոլարի:
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Զինծառայությունից կազատվեն այն ՀՀ քաղաքացիները, ովքեր թոփ 50 բուհերը ավարտելուց հետո առնվազն 3 տարի ...
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ես ուրախ եմ տեսնել հայ գերիների ազատ արձակումը
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Ինքնակամ կառույցները հնարավոր կլինի օրինականացնել․ հաշվառման կարգն ուժի մեջ կմտնի հունվարի 20-ից
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Եղեգնաձորի համայնքային ոստիկանները հայտնաբերեցին ծանր մարմնական վնասվածք պատճառած հետախուզվողին
Տոկաևը ընդունել է Թրամփի հրավերը՝ միանալու Գազայի «Խաղաղության խորհրդին»