Թբիլիսիում մեկնարկել է իշխանությունների և ընդդիմության ներկայացուցիչների հանդիպումը
Թբիլիսիում մեկնարկել է իշխանությունների և ընդդիմության ներկայացուցիչների հանդիպումը, որի քննարկման թեման ընթացիկ քաղաքական գործընթացներն են:
Ըստ տեղական լրատվամիջոցների, այդ քննարկման առաջնային հարցերից մեկը ընտրական բարեփոխումներն են, մասնավորապես, ընդդիմության առաջարկած «գերմանական մոդելը»: Հաղորդվում է, որ հանդիպմանը մասնակցում են նաև դիվանագիտական կորպուսի ներկայացուցիչներ, որոնց շնորհիվ էլ իշխանությունն ու ընդդիմությունը մեկ սեղանի շուրջ են նստել:
Հանդիպման նախօրեին, սակայն, Վրաստանի իշխող ուժը ևս մեկ անգամ հայտարարել է, որ ընտրական համակարգի բարեփոխման հարցով ընդդիմության առաջարկը՝ «Գերմանական մոդելը» հակասում է երկրի Սահմանադրությանը և իշխանությունները մտադիր չեն կանգ առնել այդ առաջարկի վրա:
Իշխող «Վրացական երազանք» կուսակցությունը նախ խոստացել էր 2020 թվականի խորհրդարանական ընտրություններն անցկացնել բացառապես համամասնական ընտրակարգով, այնուհետև տապալել այդ մասին օրենսդրական նախաձեռնությունը, ինչը երկրում բողոքի մեծ ալիք բարձրացրեց:
Վրաստանում երկրորդ շաբաթն է՝ բողոքի ցույցերը չեն մարում, ընդդիմությունը պահանջում է մինչև 2020 թվականը վերացնել մեծամասնական ընտրակարգը: Խնդրի շուրջ միավորված վրացական ընդդիմադիր ուժերը միասնաբար մշակել են այսպես կոչված «գերմանական մոդել», որը բացառում է որևէ ուժի կողմից խորհրդարանական բացարձակ մեծամասնություն ունենալու հնարավորությունը:
Խորհրդարանը երկրորդ ընթերցմամբ քննարկեց հունվարի 27-ը Հիշատակի օր և ոչ աշխատանքային օր սահմանելու նա...
Զինծառայությունից կազատվեն այն ՀՀ քաղաքացիները, ովքեր թոփ 50 բուհերը ավարտելուց հետո առնվազն 3 տարի ...
Հունվարի 27-ը սահմանվել է որպես Հայրենիքի պաշտպանության համար զոհվածների հիշատակի օր
Ես ուրախ եմ տեսնել հայ գերիների ազատ արձակումը
Ինչու են նոր մոդելները թանկանում, իսկ միլենիալները վազում վինտաժի հետևից
Ո՞ւմ է ուզում ԱԺ նախագահ դարձնել Փաշինյանը
Ինքնակամ կառույցները հնարավոր կլինի օրինականացնել․ հաշվառման կարգն ուժի մեջ կմտնի հունվարի 20-ից
ՀՀ ԱԺ ութերորդ գումարման տասնմեկերորդ նստաշրջանի հերթական նիստ
Եղեգնաձորի համայնքային ոստիկանները հայտնաբերեցին ծանր մարմնական վնասվածք պատճառած հետախուզվողին
Տոկաևը ընդունել է Թրամփի հրավերը՝ միանալու Գազայի «Խաղաղության խորհրդին»