Թուրքիայի անվտանգության խորհրդի նիստում քննարկվել է Հայոց ցեղասպանության հարցը
Նոյեմբերի 26-ին Թուրքիայում տեղի է ունեցել Անվտանգության խորհրդի նիստ, որը ղեկավարել է երկրի նախագահ Ռեջեփ Թայիփ Էրդողանը: Այս մասին տեղեկացնում է «Միլլիյեթ» լրատվականը:
Չորս ժամ տևած նիստի ավարտին հնչած ամփոփիչ հայտարարությունից պարզ է դարձել, որ նիստի ժամանակ քննարկվել է նաև տարբեր երկրների օրենսդիր մարմինների կողմից Հայոց ցեղասպանության ճանաչման թեման: Հայտարարության մեջ այս թեմայով մասնավորապես ասվել է, որ «1915 թվականի դեպքերի վերաբերյալ տարբեր խորհրդարանների ընդունած որոշումների համար հիմք են հանդիսացել պատմական և իրավական անհիմն պնդումները»:
Նիստի ընթացքում քննարկվել են նաև Թուրքիայի կողմից Սիրիայի հյուսիսում անցկացված «Խաղաղության ակունք» ռազմական գործողությանը վերաբերող հարցեր՝ նշելով, որ գործողությունը չի դադարի այնքան ժամանակ, մինչև «չոչնչացվեն ահաբեկիչները և փախստական սիրիացիների վերադարձի համար անվտանգ պայմաններ չստեղծվեն»:
Հիշեցնենք, որ ԱՄՆ Կոնգրեսի Ներկայացուցիչների պալատում հոկտեմբերի 29-ին կայացած քվեարկության արդյունքում ձայների մեծամասնությամբ ընդունվել է Հայոց ցեղասպանությունը ճանաչող բանաձևը։ Քվեարկությանը մասնակցած կոնգրեսականներից կողմ է քվեարկել 405-ը, դեմ՝ 10-ը, ձեռնպահ՝ 3-ը, իսկ 14 կոնգրեսական չի քվեարկել։
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար