Թուրքիան պատրաստվում է օգտագործել Ռուսաստանից ձեռք բերած C-400 զենիթահրթիռային համակարգերը

Թուրքիայի պաշտպանության նախարար Հուլուսի Աքարը հայտարարել է, որ Թուրքիան պատրաստվում է օգտագործել Ռուսաստանից ձեռք բերած C-400 զենիթահրթիռային համակարգերը: Այս մասին տեղեկացնում է «Անադոլու» գործակալությունը:

«Ներկայում Թուրքիայի զինված ուժերի անձնակազմը, որը պետք է շահագործի С-400 համակարգերը, դասընթացներ է անցնում, որից հետո էլ տեղի կունենան համակարգերի կիրառման հետ կապված միջոցառումները»,-նշել է Աքարը:

Հիշեցնենք, որ С-400 համակարգերի մատակարարման պայմանագիրը Ռուսաստանի և Թուրքիայի միջև կնքվել է Մոսկվայում՝ 2017 թվականի ապրիլին: Այն դարձել է Ռուսաստանի ամենամեծ արտահանման պայմանագիրը ՆԱՏՕ-ի անդամ երկրի հետ:

C-400-ների մատակարարումը, որը ճգնաժամ էր առաջացրել Թուրքիայի և ԱՄՆ-ի հարաբերություններում, սկսվել է այս տարվա ամռանը:

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին