Նեղացկոտ Էրդողանը․ Թուրք մոդելյորին 5 տարվա պատիժ է սպառնում երկրի նախագահին «վիրավորելու» համար
Թուրքիայի դատախազությունը գործ է հարուցել մոդելյոր Բարբարոս Չանսալի դեմ այն բանի համար, որ նա իբր անցյալ տարի իր մի շարք թվիթներում վիրավորել է նախագահ Ռեջեփ Թայիփ Էրդողանին, հայտնել է նորությունների T24 կայքը։ Դատախազությունը Չանսալի համար հինգ տարվա բանտային կալանք է պահանջում։
Մեղադրական եզրակացության մեջ մեջբերվում են Չանսալի հինգ թվիթները, որոնց թվում մեկը, որտեղ ասվում է, թե «կառավարամետ Star թերթի մեկնաբանը գրում է, որ FETO-ն (այսպես են թուրքական իշխանություններն անվանում 2016թ․ հեղաշրջման փորձի մեջ մեղադրվող Ֆեթուլլահ Գյուլենի շարժումը – խմբ.), հնարավոր է, պլանավորում է սպանել Էրդողանին՝ նրան վարակելով ՁԻԱՀ-ով»։
Դիզայները թվիթը տեղադրել է ՁԻԱՀ-ի մասին «Փոխանցվում է արյան միջոցով» հոդվածի հետ միասին։ Նա նշել է, թե ծիծաղելի է համարում, որ արդարադատության նախարարությունը նման հետաքննություն է նախաձեռնել։
Մոդելյորը թերթերի վերնագրերում էր հայտնվել 2017թ․, երբ նրան ձերբակալել էին Կիպրոսի հյուսիսում եւ արտաքսել էին Թուրքիա՝ սոցիալական ցանցերում տեղադրած տեսանյութի համար, որում նա քննադատում էր Թուրքիայի իշխանություններին եւ ժողովրդին։ Օդանավակայանից դուրս գալիս նրա վրա զայրացած մարդիկ էին հարձակվել։
62-ժամյա Չանսալին այն ժամանակ դատապարտել էին 6 ամսվա եւ 20 օրվա ազատազրկման։
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար