Թուրք քաղաքական գործիչը, ի պատասխան ԱՄՆ Ներկայացուցիչների պալատի որոշմանը, «սպառնացել» է թուրք աղջիկներին Թալեաթ անվանակոչել

Թուրքական ընդդիմադիր, ազգայնական ուղղվածության «Լավ» կուսակցության խոսնակ Յավուզ Աղըրալիօղլուն մեկնաբանել է ԱՄՆ Ներկայացուցիչների պալատի կողմից Հայոց ցեղասպանության ճանաչմանն ուղղված բանաձևի ընդունումը: Այս մասին տեղեկացնում է tr.sputniknews.com կայքը:

«Ցանկացած մեկը, ով ցեղասպանություն տերմինն օգտագործում է մեր պետության դեմ և փորձում է մեր պետության տեղահանության մասին որոշումը ներկայացնել որպես ցեղասպանություն, վիրավորում է մեզ: Մենք նրանց պատասխանում ենք մեր երեխաներին Թալեաթ, Էնվեր, Ջեմալ անվանակոչելով: Եթե այսպիսի վերաբերմունքը շարունակվի, մենք մեր բոլոր երեխաներին Թալեաթ կանվանակոչենք, այդ թվում՝ աղջիկներին»,- ասել է Աղըրալիօղլուն:

Հիշեցնենք, որ ԱՄՆ Կոնգրեսի Ներկայացուցիչների պալատում հոկտեմբերի 29-ին կայացած քվեարկության արդյունքում ձայների մեծամասնությամբ ընդունվել է Հայոց ցեղասպանությունը ճանաչող բանաձևը։ Քվեարկությանը մասնակցած կոնգրեսականներից կողմ է քվեարկել 405-ը, դեմ՝ 10-ը, ձեռնպահ՝ 3-ը, իսկ 14 կոնգրեսական չի քվեարկել։

Այս թեմայով Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին