Քրդական զորամիավորումներին պաշտպանելու դեպքում Թուրքիան պատերազմ կհայտարարի Սիրիայի դեմ. թուրք պաշտոնյա

Եթե Սիրիայի կառավարական բանակը ցանկանում է մտնել Մանբիջ, Այն ալ-Արաբ, Կամիշլի, որպեսզի պաշտպանի քրդական ստորաբաժանումներին, ապա Թուրքիան պատերազմ կհայտարարի, և նրանք համարժեք պատասխան կստանան: Այդ մասին РИА Новости-ին ասել է Թուրքիայի նախագահի խորհրդական Յասին Աքթայը:

«ԱՄՆ զորքերը, որոնք աջակցում էին քրդական զորամիավորումներին, ներկայում լքում են տարածքը, բայց եթե սիրիական բանակը պաշտպանի նրանց, ապա Թուրքիայի դիրքորոշումը չի փոխվի, մենք չենք կարող դա թույլ տալ»,- նշել է Աքթայը:

Նրա խոսքով՝ եթե սիրիական բանակը երաշխավորի, որ տարածքում չկան ահաբեկչական խմբավորումներ, որոնք կարող են սպառնալիք ներկայացնել Թուրքիայի անվտանգությանը, Անկարան կարող է փոխել իր դիրքորոշումը և գնահատել իրավիճակի կարգավորման նպատակով առաջարկվող լուծումները:

Աքթայը շեշտել է, որ թուրքական և մյուս օտարերկրյա զորամիավորումները կհեռանան Սիրիայի հյուսիս-արևելքից՝ այդ տարածքներում խաղաղության և անվտանգության հաստատումից հետո:

«Թուրքիան ուրիշներից երկիր չի խլում», - ավելացրել է Աքթայը:

Այս թեմայով Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին