Թուրք դերասանը դատապարտվել է ազատազրկման Էրդողանին «վիրավորելու» համար

Թուրք դատավորը ազատազրկման վճիռ է կայացրել դերասան Էրսին Ումութ Գյուլերի դեմ սոցիալական ցանցերում Թուրքիայի նախագահ Ռեջեփ Թայիփ Էրդողանին վիրավորելու համար, հաղորդում է Diken թուրքական լրատվական կայքը:

Էրսին Ումութ Գյուլերը դատապարտվել է ազատազրկման 21 ամիս ժամկետով 2014-2017 թվականների ընթացքում թվիթերի համար, որոնք գնահատվել էին որպես Էրդողանին ուղղված «վիրավորանք»:

2016 թվականին Գյուլերը դատապարտվել էր 15 ամսվա ազատազրկման սոցիալական ցանցերում կատարած գրառումների պատճառով, որոնք գնահատվել էին որպես «ահաբեկչության քարոզ»:

2010-2017 թվականներին հարուցվել էր 12 893 գործ նախագահին վիրավորելու առնչությամբ: Դրանցից 12 305-ը նախաձեռնել էին Էրդողանին ներկայացնող իրավաբանները:

Այս թեմայով Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին