Զուրաբիշվիլին հրամանագիր է ստորագրել Գեորգի Գախարիային Վրաստանի վարչապետի պաշտոնում նշանակելու մասին
Վրաստանի նախագահ Սալոմե Զուրաբիշվիլին հրամանագիր է ստորագրել Գեորգի Գախարիային երկրի վարչապետի պաշտոնում նշանակելու մասին։ Ավելի վաղ նրան իր վստահության քվեն էր տվել երկրի խորհրդարանը, հաղորդում է «ՌԻԱ Նովոստի» գործակալությունը՝ վկայակոչելով Վրաստանի կառավարության աշխատակազմին։
Վրաստանի խորհրդարանը կիրակի կայացած նիստում վստահության քվե էր տվել կառավարությանը՝ ի դեմս ներքին գործերի նախկին նախարար Գախարիայի։
«Հրամանը ստորագրված է նախագահի կողմից, Գեորգի Գախարիան աշխատանքի է անցել»,-հայտնել են աշխատակազմից:
Վրաստանի սահմանադրության համաձայն՝ խորհրդարանի կողմից կառավարությանը վստահության քվե շնորհելու պահից սկսած երկու օրվա ընթացքում երկրի նախագահը հաստատում է վարչապետի թեկնածուին, իսկ վերջինս, նույնպես երկու օրվա ընթացքում, հաստատում է կառավարության նոր կազմը։ Նշված ժամանակահատվածում նախագահի կողմից համապատասխան հրամանի արձակման բացակայության պարագայում վարչապետի լիազորություններն ինքնաբերաբար համարվում են հաստատված։
Սեպտեմբերի 2-ին Վրաստանի նախկին վարչապետ Մամուկա Բախտաձեն հայտարարել էր պաշտոնից հեռանալու իր որոշման մասին՝ բացատրելով, որ կատարել է իր բոլոր առաքելությունները և հանձնարարությունները։
Վրաստանի Սահմանադրության համաձայն՝ վարչապետի թեկնածու իրավունք ունի առաջադրել խորհրդարանական ընտրություններում լավագույն արդյունքները գրանցած քաղաքական կուսակցությունը՝ այս պարագայում իշխող «Վրացական երազանք» կուսակցությունը։
Կուսակցության հիմնադիր և նախագահ Բիձինա Իվանիշվիլին չի թաքցրել, որ իր մտահղացումն է եղել Գախարիայի թեկնածությունը վարչապետի պաշտոնում առաջադրելը։
Նման որոշման վերաբերյալ հայտարարությանը հետևել է ընդդիմության և նրա կողմնակիցների բացասական արձագանքը։ Ընդդիմությունը հայտարարել է սպասվող բողոքի ցույցերի մասին՝ Գախարիայի կառավարումը թույլ չտալու պահանջով։ Ընդդիմությունը Գախարիայի նշանակումը համարում է ողջ բնակչությանը հասցված վիրավորանք, քանի որ հենց նրա՝ ներքին գործերի նախարարի պաշտոնից հրաժարվելն էին պահանջում ցուցարարները ողջ երկրի մասշտաբով, սակայն դրա փոխարեն Գախարիայի պաշտոնը բարձրացրել են։
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Բագրատ Սրբազանի խափանման միջոցը փոխելու միջնորդություն է ներկայացվել
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Խիստ ծանր հիվանդություններից բացի բոլորը պետք է զորակոչվեն բանակ․ Գեղամ Նազարյան