Ծեծկռտուք Վրաստանի խորհրդարանի մոտ
Վրաստանի ներքին գործերի նախարարությունը «բռնություն» հոդվածով քրեական գործ է հարուցել այսօր խորհրդարանի շենքի մոտ տեղի ունեցած ծեծկռտուքի կապակցությամբ:
ՏԱՍՍ լրատվական գործակալության փոխանցմամբ, այսօր խորհրդարանի մուտքի մոտ տեղի է ունեցել բռնության կիրառմամբ միջադեպ, որի մեջ ներքաշվել են «Վրաստանի հայրենասերների դաշինքից» պատգամավոր ընտրված Էմզար Կվիցիանին և «Ամո՛թ է» հանրային շարժման ներկայացուցիչները:
«Վրաստանի հայրենասերների դաշինքն» ընդդիմադիր ուժ է, որը կոչ է անում բնականոն հարաբերություններ հաստատել Ռուսաստանի հետ: Երբ Կվիցիանին դուրս է եկել խորհրդարանի շենքից՝ «Ամո՛թ է» շարժման ակտիվիստները նրա հասցեին վանկարկել են «Դավաճան» կարգախոսը, ինչն էլ ծեծկռտուքի առիթ է դարձել:
Բուն խորհրդարանի շենքում պատգամավորները քննարկում են վարչապետ Գիորգի Գախարիային վստահություն հայտնելու առաջարկը:
«Վրացական երազանքի» կողմից վարչապետ առաջադրված Գախարիան ընդհուպ մինչև վերջերս զբաղեցրել է ներքին գործերի նախարարի պաշտոնը և խիստ քննադատության է ենթարկվել ցուցարարների նկատմամբ ոստիկանների գործադրած բռնության համար:
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
Մինիոնները վերադառնում են
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար