Քուրդ զինյալները հարձակվել են թուրք ուժայինների վրա

Թուրքիայի հարավարևելյան սահմանամերձ Շըրնաք նահանգում բախումներ են տեղի ունեցել «Քուրդիստանի բանվորական կուսակցության» (ՔԲԿ-PKK) և տեղի ժանդարմերիայի աշխատակիցների միջև։ Այս մասին գրում է Էրմենիհաբերը:

Ըստ Շըրնաքի նահանգապետարանի հայտարարության՝ տեղի ունեցածի հետևանքով սպանվել է ժանդարմերիայի 3 աշխատակից, ևս 1 հոգի վիրավորվել է։

Քուրդ զինյալներին հայտնաբերելու և վնասազերծելու նպատակով տարածքում օդային և ցամաքային օպերացիա է սկսվել։

Աղբյուրը հիշեցնում է, որ PKK-ն Թուրքիայում համարվում է ահաբեկչական կազմակերպություն։ Քուրդ զինյալների դեմ գործողությունները ընթանում են ինչպես Թուրքիայի ներսում, այնպես էլ երկրից դուրս։ Ըստ թուրքական կողմի՝ PKK-ի գլխավոր ռազմաբազան գտնվում է Հյուսիսային Իրաքի Քանդիլ շրջանում, որտեղ Թուրքիայի օդուժը հաճախ հրթիռակոծություններ է իրականացնում։

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին