Իվանիշվիլի. Գախարիայի հրաժարականը պետական դավաճանություն կլինի
Վրաստանի իշխող կուսակցության՝ «Վրացական երազանք»-ի նախագահ Բիձինա Իվանիշվիլին հայտարարել է, թե ներքին գործերի նախարար Գիորգի Գախարիայի հրաժարականը «պետական դավաճանություն կլինի»:
Հունիսի 20-ի գիշերը Թբիլիսիի կենտրոնում ցուցարարների և ոստիկանության միջև տեղի ունեցած բախումների հետևանքով շուրջ 240 մարդ է վիրավորվել: Միջադեպից հետո հրաժարական էր տվել Վրաստանի խորհրդարանի խոսնակը: Սակայն ընդդիմությունը և ակտիվիստները շարունակում են պահանջել նաև ներքին գործերի նախարարի հրաժարականը՝ նրան մեղադրելով ցուցարարների հանդեպ բիրտ ուժ կիրառելու մեջ:
Բիձինա Իվանիշվիլին լրագրողների հետ զրույցում, պաշտպանելով ներքին գործերի նախարարին, ասել է, թե Գախարիայի հրաժարականը ուղիղ իմաստով պետական դավաճանություն կլինի, իսկ ոստիկանների կողմից անհամաչափ ուժ կիրառելու առանձին դեպքերի շուրջ հետաքննություն է ընթանում:
«Մեկ ոստիկանի արդեն մեղադրանք է առաջադրվել, կսպասենք մյուսներին»,- ասել է նա:
Հունիսի 20-ի գիշերը տեղի ունեցած դեպքերի մասին Իվանիշվիլին ասել է, թե երբ փորձում էին ուժով մտնել խորհրդարան, «ի՞նչ էին նրանք ցանկանում, եթե ոչ՝ պետական հեղաշրջում»:
Ես «Հայփոստի» վերջին առնվազն 10 տարվա ամենացածր աշխատավարձ և պարգևատրում ստացած տնօրենն եմ. Հայկ Կոն...
Ակադեմիական քաղաքի տարածքում հայտնաբերվել է հնագույն բնակավայր
Ինչո՞ւ են տոներն ավարտվում հիվանդանոցով․ վերջին 1 ամսում ՀՀ-ում մի քանի զանգվածային թունավորում է գր...
Պատգամավորները 1 րոպե լռությամբ հարգեցին Սինջարի եզդիների ցեղասպանության զոհերի հիշատակը
Հնդկաստանում կայացած գործարար հավաքին ներկայացվել են Հայաստանի տնտեսական ընթացիկ ցուցանիշներն ու ներ...
Նիկոլ Փաշինյանը Վարչապետի աշխատակազմին է ներկայացրել նորանշանակ ղեկավար Լիլիթ Մակունցին
Ֆրանսիայում անտառային հրդեհների հետ կապված ձերբակալվել է 375 մարդ
Մեկնարկել են ՀՀ վարչապետի հովանու ներքո ուժային կառույցների միջև անցկացվող բանակային խաղերը
Երբ պետության համակրանքը չի դառնում փոխադարձ պարտավորություն․ Նասիմ Թալեբը` Բաքու չմեկնելու մասին
Հայտնաբերվել է 496 ոչ սթափ վարորդ․ պարեկների անցած շաբաթվա ծառայության արդյունքները