Սաակաշվիլին Վրաստանում արտահերթ խորհրդարանական ընտրություններ անցկացնելու կոչ է արել
Վրաստանի 3-րդ նախագահ Միխեիլ Սաակաշվիլին կոչ է արել երկրում արտահերթ խորհրդարանական ընտրություններ անցկացնել, գրում է apsny.ge-ն:
Քաղաքական գործչի այս հայտարարությունը հետևել է Վրաստանի իշխող «Վրացական երազանք» կուսակցության՝ 2020թ.-ի համամասնական ընտրակարգով` զրոյական խոչընդոտով խորհրդարանական ընտրություններ անցկացնելու որոշման մասին հայտարարությանը:
Սաակաշվիլին այդ առաջարկը «հիմար» է անվանել և ընդգծել, որ բոլոր նրանք, ովքեր կհամաձայնեն այդ առաջարկին, «կա՛մ հիմար են, կա՛մ ծախված»:
«Իվանիշվիլին մտադիր է մասնատել ընդդիմադիր կուսակցությունների միասնականությունը և փոքր կուսակցություններ գնել՝ դրանով իսկ ամբողջ Վրաստանը գրպանը դնելով»,- ասել է Սաակաշվիլին:
Երկրի նախկին ղեկավարի կարծիքով՝ Թբիլիսիում ընթացող ցույցերի մասնակիցները պետք է արտահերթ խորհրդարանական ընտրություններից բացի պահանջեն փոխել Կենտրոնական ընտրական հանձնաժողովի նախագահ Թամարա Ժվանիային:
Հիշեցնենք, որ բողոքի զանգվածային ակցիաները Թբիլիսիում սկսվել էին հունիսի 20-ին՝ ՌԴ պետդումայի պատգամավոր Սերգեյ Գավրիլովի ելույթի պատճառով, որը ներկա էր եղել Վրաստանում անցկացվող Ուղղափառության միջխորհրդարանական վեհաժողովի նիստին: Նիստի մեկնարկից հետո նա նստել էր խորհրդարանի խոսնակի աթոռին և հավաքվածներին ռուսերենով ուղերձ հղել:
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին