Վրաստանի մարզերի բնակիչները միանում են Թբիլիսիում անցկացվող ցույցերին
Վրաստանի մայրաքաղաք Թբիլիսիի քաղաքացիներն իրենց համացանցային էջերում հայտնել են, որ մյուս մարզերի բնակիչները նույնպես միանում են Թբիլիսիում անցկացվող ցույցերին։
«Քութայիսից մի խումբ բնակիչներ Թբիլիսի են գալիս։ Շուտով բոլոր մարզերը կմիանան ցույցերին։ Սա արդեն լուրջ է»,- գիշերը հայտնել էր թվիթերյան օգտատերերից մեկը։
Նա նաև ավտոշարասյան տեսանյութն է տեղադրել։
«Այս ավտոշարասյունը Քութայիսից Թբիլիսի է շարժվում։ Ի՜նչ հիանալի տեսարան է, համաձայն չե՞ք։ Շուտով բոլոր մարզերից նման ավտոշարասյուներ կշարժվեն դեպի մայրաքաղաք։ Սա այլևս անհնար է կանգնեցնել»,-գրել էր նա։
Ուկրաինայում գտնվող Վրաստանի նախկին նախագահ Միխեիլ Սաակաշվիլին նույնպես տեսանյութ է հրապարակել՝ գրելով. «Քութայիսին այս առավոտ»:
Հիշեցնենք, որ հունիսի 20-ին Թբիլիսիում բողոքի զանգվածային ակցիաները սկսվել էին ՌԴ պետդումայի պատգամավոր Սերգեյ Գավրիլովի ելույթի պատճառով, որը ներկա էր եղել Վրաստանում անցկացվող Ուղղափառության միջխորհրդարանական վեհաժողովի նիստին: Նիստի մեկնարկից հետո նա նստել էր խորհրդարանի խոսնակի աթոռին և հավաքվածներին ռուսերենով ուղերձ հղել:
Բողոքի ակցիայի մասնակիցները գրոհել են խորհրդարանի շենքը, մի քանի անգամ փորձել են ներս մտնել: Քաղաքացիները միացել են ընդդիմությանը և պահանջում են կառավարության անդամների՝ խորհրդարանի խոսնակ Իրաքլի Կոբախիձեի և ներքին գործերի նախարար Գիորգի Գախարիայի հրաժարականը:
Ոստիկանությունը ցուցարարների նկատմամբ արցունքաբեր գազ, ռետինե փամփուշտներ և ջրցան մեքենաներ է կիրառել: Ցույցերի ընթացքում հաղորդվել է ավելի քան 70 տուժածի մասին: Երկրի արտգործնախարարությունը Թբիլիսիում ցույցերը պետական հեղաշրջման փորձ է անվանել:
Ես «Հայփոստի» վերջին առնվազն 10 տարվա ամենացածր աշխատավարձ և պարգևատրում ստացած տնօրենն եմ. Հայկ Կոն...
Ակադեմիական քաղաքի տարածքում հայտնաբերվել է հնագույն բնակավայր
Ինչո՞ւ են տոներն ավարտվում հիվանդանոցով․ վերջին 1 ամսում ՀՀ-ում մի քանի զանգվածային թունավորում է գր...
Պատգամավորները 1 րոպե լռությամբ հարգեցին Սինջարի եզդիների ցեղասպանության զոհերի հիշատակը
Հնդկաստանում կայացած գործարար հավաքին ներկայացվել են Հայաստանի տնտեսական ընթացիկ ցուցանիշներն ու ներ...
Նիկոլ Փաշինյանը Վարչապետի աշխատակազմին է ներկայացրել նորանշանակ ղեկավար Լիլիթ Մակունցին
Մեկնարկել են ՀՀ վարչապետի հովանու ներքո ուժային կառույցների միջև անցկացվող բանակային խաղերը
Ֆրանսիայում անտառային հրդեհների հետ կապված ձերբակալվել է 375 մարդ
ՀՀ Կառավարության կազմը
Երբ պետության համակրանքը չի դառնում փոխադարձ պարտավորություն․ Նասիմ Թալեբը` Բաքու չմեկնելու մասին