Թուրքիայում Bloomberg-ի թղթակիցներ են ձերբակալվել

Թուրքիայում դատական գործ է բացվել ամերիկյան Bloomberg լրատվամիջոցի երկու թղթակիցներ՝ Քերիմ Քարաքայայի և Ֆերջան Յալընքըլըչի նկատմամբ, նախորդ տարվա օգոստոսին թուրքական լիրայի անկման վերաբերյալ նյութ պատրաստելու համար։ Այս մասին տեղեկացնում ermenihaber.am-ը:

Նյութում մասնավորապես խոսվում էր այն մասին, թե ինչպես թուրքական լիրայի անկումը կանդրադառնա բանկային համակարգի վրա։ Ըստ մեղադրականի՝ թղթակիցները իրենց հրապարակումով «Փորձել են թուլացնել Թուրքիայի տնտեսության կայունությունը»:

Թեմայի շուրջ մեկնաբանություն է արել Bloomberg-ի գլխավոր խմբագիր Ջոն Միքլեթվեյթը, ասելով.«Մենք քննդատում ենք այն մեր թղթակիցներին ուղղված մեղադրանքները։ Նրանք արդար և հավաստի հրապարակում են արել»:

Թղթակիցներին սպառնում է 2-5 տարվա ազատազրկում։ Տեղի ունեցածը դատապարտել են Թուրքիայի ազգայնական, ընդդիմադիր «Լավ» կուսակցության փոխնախագահ Դուրմուշ Յըլմազը, ինչպես նաև ընդդիմադիր քեմալական «Ժողովրդահանրապետական կուսակցության» (ԺՀԿ-CHP) Ստամբուլի պատգամավոր Էրդողան Թոփրաքը։

Այս թեմայով Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին