Վրացիների հույսն Ալիեւի բանականությունն է

Վրաստանի ընդդիմադիր «Հայրենասերների դաշինք» կուսակցության անդամներն այսօր քայլերթով հասել են Դավիթ Գարեջի վանական համալիր: Ճանապարհին նրանց են միացել քաղաքացիական անձինք ու հոգևորականներ: Ակցիայի մասնակիցներն այնքան շատ են եղել, որ վրացի սահմանապահները նրանց համալիր են ճանապարհել խմբերով:

«Հայրենասերների դաշինք»-ի առաջնորդներից Իրմա Ինաշվիլիի հայտարարությամբ՝ իրենց ակցիայի նպատակն է՝ հիշեցնել Ադրբեջանին, որ համալիրի վրացական կողմին է պատկանում: 

«Հավաքի գլխավոր նպատակն է, որ Վրաստանի ու Ադրբեջանի կառավարությունները մեզանից հստակ ուղերձ ստանան առ այն, որ Դավիդ Գարեջին վրացական հող է և մտադրություն չունենք այն զիջելու Ադրբեջանին: Դավիդ Գարեջին Վրաստան է, և դա ապացուցելու կարիք չկա: Մենք հարգում ենք Ադրբեջանի ժողովրդին: Հույս ունենք, որ նրանք բանական նախագահ ունեն: Այդ պատճառով էլ հույս ենք տածում, որ վերջ կդրվի պնդումներին, թե Դավիդ Գարեջին ալբանական մշակութային հուշարձան է: Այստեղ հավաքված ժողովուրդը վրացական պատմամշակութային հուշարձան է պաշտպանում»,- հայատարարել է Ինաշվիլին: