Թբիլիսիի փողոցներում սկսել են երթևեկել նոր 10-մետրանոց ավտոբուսներ

Թբիլիսիում սկսել են երթեւեկել կանաչ գույնի նոր տասմետրանոց ավտոբուսներ, տեղեկացնում Է «Արմենպրես»-ը:

MAN մակնիշի կանաչ գույնի նոր 10-մետրանոց ավտոբուսների շնորհանդեսը տեղի Է ունեցել մայիսի 8-ին Թբիլիսիում: Նոր ավտոբուսներից մեկով շրջել Է Թբիլիսիի քաղաքագլուխ Կախա Կալաձեն՝ լրագրողների հետ միասին: Քաղաքապետարանը գնել Է 90 նոր ավտոբուս, եւ դրանցից 50-ն արդեն գտնվում է մայրաքաղաքում:

Մայիսի 13-ից թիվ 95 երթուղով՝ Մուխիանի բնակավայրից մինչեւ Բարաթաշվիլի փողոց, այսօրվանից կերթեւեկի ութ նոր ավտոբուս, իսկ թիվ 85 ուղեգծով՝ Վակե-Սաբուրտալո շրջանաձեւ երթուղով՝ չորս նոր ավտոբուս:

«Իհարկե, դա բավարար չԷ հասարակական տրանսպորտը կարգի բերելու համար: Մինչեւ տարեվերջ կստացվեն 220 նոր ութմետրանոց ավտոբուսներ»,-ընդգծել Է Կալաձեն:

Ավտոբուսները կսարքավորվեն օդորակիչներով եւ օդափոխիչներով, ձայնային տեղեկատվական համակարգով, տեսամոնիթորինգի համակարգով, USB լիցքերով, անլար Համացանցով: Կալաձեն ընդգծել Է, որ ավտոբուսներն աշխատելու են Եվրո-6 դիզելային վառելիքով, հաղորդել Է Sputnik-ը: