«Թագավորական սկանդալ» Վրաստանում. Դավիթ Բագրատիոնի-Մուխրանսկուն ՆԳՆ են կանչել
Իշխան Դավիթ Բագրատիոնի-Մուխրանսկուն Վրաստանի ՆԳՆ են կանչել նրա նախկին կնոջ՝ վրացական թագավորական ընտանիքի ներկայացուցիչ Աննա Բագրատիոնի-Գրուզինսկու մեղադրանքների հետ կապված հարցեր ուղղելու համար, հայտնում է «Sputnik-Գրուզիան»:
Դավիթ Բագրատիոնի-Մուխրանսկին ներկայումս Վրաստանում չէ: Նա երկրից հեռացել է ապրիլի 3-ին՝ այն բանից հետո մեկ օր անց, երբ կինը ոստիկանությունում ցուցմունք է տվել: Նա հայտարարել էր, որ 2014 թվականի մայիսի 9-ին Դավիթն իր նկատմամբ հաշվեհարդար է տեսել իրենց երեխայի աչքի առաջ: Մինչդեռ Դավիթը հայտնել էր, որ երկրից մեկնում է մոր առողջական վիճակի վատթարացման պատճառով:
Բագրատիոնի-Գրուզինսկիների ընտանիքի փաստաբանի խոսքով՝ միջադեպը տեղի է ունեցել Սագուրամոյում (Թբիլիսիի մերձակայք) Դավիթ Բագրատիոնի-Մուխրանսկու տանը: Այդ ժամանակ Դավիթն ու Աննան արդեն ամուսնալուծված էին, բայց որպեսզի երեխան շփվի հոր հետ, Աննան ուրբար, շաբաթ եւ կիրակի գնում էր Սագուրամո: Նրանք նախապես էին համաձայնեցրել երեխայի շփման ժամանակացույցը:
«Թագավորական սկանդալը» սկսվել է այն բանից հետո, երբ Աննա եւ Նուգզար Բագրատիոնի-Գրուզինսկիները արդեն նախկին ազգականին մեղադրել են Վրաստանի Թագավորական տան խորհրդանիշների ապօրինի օգտագործման մեջ: Ի պատասխան իշխան Դավիթ Բագրատիոնի-Մուխրանսկին կասկած է հայտնել Աննայի թագավորական ծագման վերաբերյալ՝ հայտարարելով, որ նրա իսկական ազգանունն է Սիխարուլիձե:
Հայր ու դուստր Թբիլիսիի քաղաքային դատարանի միջոցով փորձել են Դավիթ Բագրատիոնի-Մուխրանսկուն արգելել Վրաստանի Թագավորական տան անունից շքանշաններ հանձնել, որի ղեկավարն է Նուգզար Բագրատիոնի-Գրուզինսկին, սակայն դատարանը հրաժարվել է այս գործը քննել:
Հիմա դատարանը երկրորդ գործն է քննում՝ նախկին ամուսինների ունեցվածքի բաժանման:
Դավիթ Բագրատիոնի-Մուխրանսկին Աննա Բագրատիոնի-Գրուզինսկու հետ ամուսնացել է 2009 թվականին: Թագավորական հարսանիքը վրաց հանրության ուշադրության կենտրոնում էր, վրացի միապետականներն այս իրադարձությունն անվանել էին պատմական: Երկու տարի հետո ծնվել էր զույգի որդին՝ Գեորգին: Սակայն Դավիթի եւ Աննայի ամուսնությունը կարճատեւ էր եղել՝ 2013 թվականին թագավորական ընտանիքը հայտարարել էր ամուսնալուծվելու մասին:
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Մոսկվայի բոլոր օդանավակայանները կրկին դադարեցրել են աշխատանքը
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին