Ադրբեջանը կգնի նոր և ժամանակակից սպառազինություն. Զաքիր Հասանով

Ադրբեջանի պաշտպանության նախարար Զաքիր Հասանովը հայտարարել է, որ Ադրբեջանը կգնի նոր և ժամանակակից սպառազինություն, գրում է minval.az-ը:

Ստամբուլում անցկացվող IDEF-2019 միջազգային պաշտպանական ցուցահանդես այցելած նախարարը նշել է, որ ցուցահանդեսին ներկայացված են ժամանակակից զենք ու սարքավորումներ:

Հասանովը նշել է, որ որևէ երկրից սպառազինություն գնելուց առաջ Ադրբեջանը սկզբում լուրջ փորձարկումներ է անցկացնում: «Փորձարկումները տևում են ոչ թե 1-2 օր, այլ երբեմն 6 ամիս, անգամ մեկ տարի»,- ասել է Ադրբեջանի ՊՆ ղեկավարը:

Նախարարը պատմել է նաև «եղբայրական» Թուրքիայի հետ ռազմական, ռազմատեխնիկական ոլորտներում իրականացվող նախագծերի մասին: «Այսօրվա դրությամբ մենք ունենք շատ նախագծեր»,- ասել է նա:

Նշենք, որ Ադրբեջանում մայիսի 1-ին մեկնարկել են «Մուստաֆա Քեմալ Աթաթուրք-2019» ադրբեջանա-թուրքական համատեղ մարտավարական զորավարժությունները: Այդ նպատակով օրեր առաջ Ադրբեջան էին ժամանել Թուրքիայի ԶՈՒ ներկայացուցիչները: Զորավարժությունները կտևեն մինչև մայիսի 3-ը: