Չավուշօղլուն հայտնել է, թե ՔԱԿ «ահաբեկիչների թվում կան նաև էթնիկ հայեր»

Թուրքիայի արտգործնախարար Մևլութ Չավուշօղլուն հայտնել է, որ «Քրդստանի աշխատավորական կուսակցություն» խմբավորման «ահաբեկիչների թվում, որոնց վերացնում է Թուրքիայի ԶՈՒ-ն, կան նաև էթնիկ հայեր», գրում է gazeteduvar.com.tr-ը:

Նա կրկին խոսել է Հայաստանի հետ հարաբերությունները կարգավորելու «Անկարայի նախաձեռնությունների» մասին:

«Մենք հստակ հայտարարել ենք, որ պատրաստ ենք բացել Հայաստանի հետ սահմանը մի պայմանով»,- ասել է Չավուշօղլուն՝ կրկին դա կապելով ԼՂ հակամարտության, մասնավորապես՝ «ադրբեջանական տարածքներից» հայկական զորքի դուրսբերման հետ:

Թուրքիայի ԱԳՆ ղեկավարը ևս մեկ անգամ ընդգծել է, որ Ադրբեջանի ցանկացած խնդիր «ուղղակիորեն շոշափում է Թուրքիայի շահերը»:

Հիշեցնենք, որ ՔԱԿ-ը քրդական կազմակերպություն է, որի հիմնական նպատակն է զինված պայքարի միջոցով Թուրքիայի հարավ-արևելյան, Իրաքի հյուսիսային, Իրանի հյուսիս-արևմտյան և Սիրիայի հյուսիս-արևելյան տարածքներում հիմնել քրդական անկախ պետություն: Թուրք-քրդական հարաբերությունների սրման հերթական փուլը սկսվել է 2015-ի ամռանը: Կազմակերպությունը 1978 թվականին հիմնադրել է Աբդուլլահ Օջալանը:

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին