Էրդողանի կուսակցությունը վերահաշվարկ է պահանջել Ստամբուլի բոլոր շրջաններում

Թուրքիայի իշխող «Արդարություն և զարգացում» կուսակցությունը պահանջում է Ստամբուլում բոլոր քվեների վերահաշվարկ կատարել: Այս մասին հայտարարել է կուսակցության փոխնախագահ Ալի Իհսան Յավուզը: Ըստ նրա՝ մարտի 31-ին անցկացված ընտրությունների ժամանակ ընտրախախտումներ են տեղի ունեցել, և կուսակցությունը կդիմի ընտրական հանձնաժողովին՝ պահանջելով վերահաշվարկ կատարել Ստամբուլի բոլոր շրջաններում:

«Մենք բարձրագույն ընտրական հանձնաժողովից պահանջում ենք, որպեսզի Բեյօղլու շրջանում կատարվի քվեաթերթիկների վերահաշվարկ: Մենք նահանգային ընտրական խորհուրդների միջոցով կդիմենք բարձրագույն ընտրական հանձնաժողովին, որպեսզի բոլոր 38 շրջաններում կատարվի վերահաշվարկ»,- ասել է Յավուզը:

Անցյալ շաբաթ Թուրքիայի բարձրագույն ընտրական խորհուրդը պահանջել էր քվեաթերթիկների վերահաշվարկ կատարել Ստամբուլի 3 շրջաններում, ինչպես նաև 15 շրջաններում վերահաշվարկել միայն անվավեր քվեաթերթիկները:

Հիշեցնենք, որ Թուրքիայի նախագահ Ռեջեփ Թայիփ Էրդողանի կուսակցությունը երկրի ամենամեծ քաղաքում պարտվել էր ընդդիմադիր «Ժողովրդահանրապետական կուսակցությանը»:

Չնայած մարտի 31-ին կայացած ընտրությունների արդյունքներով Թուրքիայում հաղթել է Էրդողանի կուսակցությունը, սակայն այն պարտություն է կրել մի քանի խոշոր քաղաքներում, այդ թվում՝ Ստամբուլում, մայրաքաղաք Անկարայում և Իզմիրում:

Այս թեմայով Ստամբուլի քաղաքային ավտտոբուսները հետաքրքիր ձեւով են շնորհավորել նոր քաղաքապետի հաղթանակը (տեսանյութ) Ստամբուլի քաղաքապետի իշխանական թեկնածուն պարտությունից հետո արտասվել է (տեսանյութ) Թուրքիայի ԳԸՀ-ն հրաժարվել է չեղյալ համարել նախագահական ընտրությունների արդյունքները Թուրքիան կքվեարկի այնքան, մինչեւ որ Էրդողանն ստանա ցանկացածը. NYT Ստամբուլի ընդդիմադիր քաղաքապետը հրաժարվել է ընդունել ԿԸՀ որոշումը