«Էրդողանի իշխանության օրոք Թուրքիայում գործազուրկների ու աղքատների թիվը կրկնակի աճել է». ընդդիմադիր պատգամավոր

Թուրքիայի ընդդիմադիր Ժողովրդահանրապետական կուսակցության անդամ, խորհրդարանի՝ Այնթապից ընտրված պատգամավոր Բայրամ Յըլմազքայան մեղադրել է երկրի իշխանություններին թուրքական տնտեսությունը կործանման տանելու համար:

Ինչպես գրում է «Բիրգյուն» պարբերականը, պատգամավորը պնդել է, որ Թուրքիայի նախագահ Ռեջեփ Թայիփ Էրդողանի գլխավորած «Արդարություն և զարգացում» կուսակցության իշխանության տարիներին, այսինքն՝ վերջին 16 տարում Թուրքիայում գործազուրկների և աղքատների թիվը կրկնակի աճել է:

Ընդդիմադիր պատգամավորն ուշադրություն է հրավիրել այն փաստի վրա, որ պետության տրամադրած տվյալները բոլորովին այլ պատկեր են մատուցում, իսկ իշխանության ներկայացուցիչները պարբերաբար պնդում են, որ երկրում տնտեսական խնդիրներ չկան:

«Ինչպես փեսան է ասում (ֆինանսների նախարար Բերաթ Ալբայրաքը, որը նաև նախագահ Էրդողանի դստեր ամուսինն է - tert.am)՝ տնտեսության մեջ խնդիր չկա: Բայց պետական բանկերը միլիարդների վնաս են կրում: Բազմաթիվ բանկեր փակում են իրենց մասնաճյուղերը: Քաղաքացիները լքում են երկիրը: Թուրքիայի քաղաքացի հանդիսացող գործարար մարդիկ իրենց ներդրումները նախընտրում են անել այլ երկրներում», - նշել է Յըլմազքայան:

Ըստ նրա ձեռք բերած տվյալների՝ 2002 թվականից ի վեր Թուրքիայում փակված ընկերությունների թիվն աճել է 3,5 անգամ՝ հասնելով 12 564-ի:

«Վերջին 16 տարում գործազուրկների թիվը 2 465 000-ից հասել է 6 351 000-ի: Աղքատների թիվը 12 մլն-ից հասել է 30 մլն-ի»,- նշել է պատգամավորը:

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին