Թեհրանում արգելվել է հասարակական վայրերում շների զբոսանքը
Իրանի Իսլամական Հանրապետության մայրաքաղաք Թեհրանի իշխանություններն արգելել են հասարակական վայրերում կամ փողոցներում շների զբոսանքը: Ինչպես նշում է Oddity Central հարթակը, նման միջոցառումը կապված է երկրում շներ պահելուն խոչընդոտելու ջանքերի հետ:
Թեհրանի ոստիկանապետ Հոսեին Ռահիմին հայտարարել է, որ Թեհրանի դատախազից հասարակական վայրերում շների զբոսանքի դեմ միջոցներ ձեռնարկելու թույլտվություն է ստացել: Ռահիմին ասել է, որ կտուգանվեն նաև շներին մեքենայով տեղափոխող անձինք:
Շատերը կարծում են, որ արգելքն իշխանությունների կողմից շուն պահողներին խոչընդոտելու ևս մի միջոց է: Երկրի հոգևոր առաջնորդները շներին անմաքուր են համարում: Բացի այդ՝ շունը 1979թ. Իսլամական հեղափոխությունից առաջ երկրում իշխող միապետության խորհրդանիշն էր համարվում:
Երկրի պահպանողական քաղաքական գործիչ Համիդռեզա Թարաղին ասել է, որ մարդիկ չեն կարող աղոթել այնպիսի վայրերում, որտեղ շուն կա և որ շան տերերը կենդանիների վրա ավելի շատ գումար են ծախսում՝ անտեսելով առավել կարևոր բաները:
«Կրոնի տեսանկյունից մարդիկ չեն կարող աղոթել այնպիսի վայրերում, որտեղ շուն է նստել կամ զբոսնել: Մյուս կողմից՝ մեր երկրում տնտեսական դժվարություններ են առկա, մինչդեռ շատ կենդանասերներ իրենց շների կերի վրա մեծ գումարներ են ծախսում: Մենք այդ գումարը պետք է ավելի կարևոր բաների ուղղենք»,- ասել է քաղաքական գործիչը:
ԱԹՍ-ների զանգվածային հարձակում Ռուսաստանում․ կրկին հարվածել են Մոսկվայի նավթավերամշակման գործարանին
Աշխատող ծնողների համար սահմանվում է «ծնողական ժամ»
Փրկարարները և ոստիկանները Փամբակ գետում շարունակում են որոնողական աշխատանքները
Ինչպիսի եղանակ է սպասվում այսօր
Ցեմենտի ներմուծումը 6 ամսով կսահմանափակվի
Գիտնականները 550 տարի անց բացահայտել են Բոտիչելլիի մուսայի մահվան գաղտնիքը
Մոսկվայի բոլոր օդանավակայանները կրկին դադարեցրել են աշխատանքը
ԵԱՏՄ հարցերը օրակարգում են․ Փաշինյանը կմասնակցի միջկառավարական հանձնաժողովի նիստին
ԵԱՀԿ տարածքի առջև ծառացած բազմաթիվ հիմնախնդիրներ պահանջում են հավաքական արձագանք. ՀՀ ԱԳ փոխնախարար
Ավինյանը բացում է հին պայմանագրերի դարակները․ Ծառուկյանի «Մուլտի Ուելնեսին» մեկ ամիս ժամանակ է տրվել