1,5 տոննա. առգրավվել է Թուրքիայի պատմության մեջ հերոինի ամենամեծ խմբաքանակը

Այժմյան Թուրքիայի տարածքում գտնվող Էրզրում քաղաքում թուրք ոստիկանները հայտնաբերել և առգրավել են 1,5 տոննա հերոին տեսակի թմրանյութ: Սա Թուրքիայի պատմության մեջ հայտնաբերված թմրանյութի ամենախոշոր խմբաքանակն է:

Ինչպես փոխանցում է «Աքշամ» պարբերականը, ոստիկանական գործողության ընթացքում ձերբակալվել է 4 կասկածյալ, իրավապահները նրանց հետևել են Իրանի սահմանից: Հանցագործները թմրանյութը փորձել են բեռնատարով տեղափոխել Ստամբուլ:

Էրզրում-Էրզինջան մայրուղու վրա ձերբակալված խումբը ստամբուլյան պետհամարանիշեր է ձեռք բերել թուրքական սահմանը հատելուն պես՝ Աղրը նահանգի տարածքում:

25 834 փաթեթով 1,5 տոննա թմրանյութն ամբողջությամբ առգրավվել է:

Հիշեցնենք, որ շաբաթներ առաջ Վան-Էրզինջան ավտոմայրուղու վրա իրավապահները կանգնեցրել էին ավելի քան 1 տոննա հերոին տեղափոխող բեռնատար, որը պատկանում էր Թուրքիայի ամենախոշոր հարկատուներից մեկին:

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին