Թուրքիայում գազատար է պայթել

Թուրքիայի հյուսիս-արևմուտքում սողանքի պատճառով գազատար է պայթել, ասվում է Botas խողովակատար ընկերության հայտարարության մեջ:

«Հունվարի 14-ին Սաքարիայի նահանգի Դեգիրմենդերե բնակավայրի շրջանում սողանքի հետևանքով գազատար է պայթել: Փականները ժամանակին փակվել են, գազամատակարարումը դադարեցվել է»,- ասվում է գերատեսչության հաղորդագրության մեջ:

Հաղորդվում է, որ հրդեհը հսկողության տակ է վերցված, սկսվել են խողովակի վնասված հատվածի սառեցմանն ու վերականգնմանն ուղղված միջոցառումները: Բնակչությանը և ձեռնարկություններին անխափան գազամատակարարումն իրականացվում է այլընտրանքային ուղիներով:

«Թուրքիայի որևէ նահանգում գազամատակարարման դադարեցման հավանականության մասին խոսք չկա»,- ասվում է գերատեսչության հաղորդագրության մեջ:

Տուժածների մասին չի հաղորդվում:

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին