Սասունում առատ ձյան պատճառով փակվել են դպրոցներն ու լեռնային գյուղերի ճանապարհները (լուսանկարներ)

Այժմյան Թուրքիայի տարածքում գտնվող Բաթման նահանգի Քոզլուք շրջանում ձյան առատ տեղումների պատճառով փակվել են բոլոր դպրոցները, գրում է «Բաթման հաբեր»-ը:

Աղբյուրը տեղեկացնում է, որ փակվել են նաև տարածքի բազմաթիվ բարձրադիր լեռնային գյուղերի ճանապարհները, գյուղերի բնակչությունը եղանակային անբարենպաստ պայմանների պատճառով հայտնվել է մեկուսացման մեջ:

Նշվում է, որ Ազգային կրթության նախարարության վարչությունից հաշվարկել ու տեղի ինքնակառավարման մարմիններին են հայտնել ձյան պատճառով անանցանելի դարձած դպրոցների ճանապարհների քանակն ու վայրը, սակայն լեռնային ճանապարհների մաքրման համար որևէ հստակ ժամկետ չի նշվել:

Հիշեցնենք, որ անցյալ տարի Էրզրումում ձյան պատճառով փակվել էր ավելի քան 400 բնակելի համայնքի ճանապարհ:

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին