Էրդողանի ապտակը Ալիեւին
«Մոտ ապագայում Ադրբեջանը Feto-ն կճանաչի ահաբեկչական կազմակերպություն»- հայտարարել է Թուրքիայի նախագահ Էրդողանը: Խոսքը կրոնական գործիչ Ֆեթհուլլա Գյուլենի գլխավորած կառույցի մասին է: Գյուլենը Թուրքիայում մեղադրվում է պետական հեղաշրջում կազմակերպելու մեջ: Նրա հազարավոր համախոհներ գտնվում են բանտերում կամ փախուստի մեջ են: Ինքը՝ Գյուլենը, քաղաքական վտարանդու կարգավիճակով բնակվում է ԱՄՆ-ում: Թուրքիան պահանջում է նրա արտահանձնումը: Ամերիկյան կողմը հետաձգում է հարցի քննարկումը եւ պատճառաբանում, թե պատկան մարմինները դեռեւս ուսումնասիրում են Թուրքիայի ներկայացրած մեղադրանքների իսկությունը:
Ինչպես կարելի է եզրակացնել Էրդողանի վերոհիշյալ հայտարարությունից, Գյուլենի գլխավորած կազմակերպության հարցում թուրք-ադրբեջանական տարաձայնություններն ավելի քան ակնհայտ են: Բայց, երեւում է, Էրդողանի համբերությունը սպառվել է, եւ նա որոշել է ցույց տալ, թե ով է եղանակ պատվիրում: Ինչպես տեղեկացնում են ադրբեջանական աղբյուրները, թուրքական MIT հատուկ ծառայության ածխատակիցներն օրերս Բաքվի օդանավակայանում ձերբակալել եւ Թուրքիա են տեղափոխել Ադրբեջանում Գյուլենի համակիրներից մեկին՝ ոմն Գելենի, որը նախկինում իսլամական դպրոցի տնօրեն է աշխատել Բաքվում:
Արդեն երկու տարի է՝ թուրքական հատուկ ծառայությունները հետեւում էին Գելենին եւ կարողացել են ճշտել, որ նա կեղծ անձնագրով մեկնում է Բելառուս: Թուրքական կողմին հաջողվել է հասնել նրան, որ Գելենը Մինսկից արտաքսվել է Բաքու, որտեղ էլ նրան ձերբակալել են թուրքական հետախուզության աշխատակիցները եւ նույն օրն էլ տեղափոխել Թուրքիա:
Փաստացի թուրքական կողմը հատուկ գործողություն է իրականացրել Ադրբեջանում՝ առանց հաշվի նստելու այդ երկրի ոչ իշխանությունների, ոչ հատուկ ծառայությունների, ոչ առհասարակ իրավապահ մարմինների հետ: Դա Էրդողանի կոշտ ապտակն է Ալիեւին, որով նա բացահայտ ցույց է տվել, որ Ադրբեջանում կարող է ցանկացած գործողություն իրականացնել: Երեւույթը վկայում է թուրք-ադրբեջանական հարաբերությունների իրական մակարդակը, այն, որ Ադրբեջանը պարզապես Թուրքիայի կցորդն է, եւ Անկարան ցանկացած հարցում կարող է թելադրել իր պայմանները:
Հավանաբար ԱԱԾ աշխատողները գտել իշխանությանը լոյալ քահանաների, իրենց են դիմել, ինձ չեն դիմել. Տեր Նշա...
Տարոն Մարգարյանը կգործուղվի Մոսկվա
44-օրյա պատերազմը սկսվել է երկու պատճառով․ Հայաստանի խորհրդարանի փոխնախագահ
Պոլսո Հայոց Պատրիարքը չի հստակեցնում՝ դե՞մ է Կաթողիկոսի հեռացման պահանջին, թե ոչ
Բագրատ Սրբազանի խափանման միջոցը փոխելու միջնորդություն է ներկայացվել
«Ձեր ուսանողը չեմ, որ ինձ հարցեր տաք», «Պարտավոր եք դրսևորել պատշաճ վարքագիծ, ավել բան մի՛ ասեք»
Սի Ծինփինը ներկայացրել է Չինաստանի դիրքորոշումը Ուկրաինայի հակամարտության խաղաղ կարգավորման վերաբերյ...
Այո’, թող Արթիկի ՔԿՀ պետի տեղակալը և ընտանիքը հետևություն անեն. Գալյանը՝ Զորական գյուղում պատանու ծե...
«Հերյուրանք է». Գագիկ Բեգլարյանը՝ Ավինյանի համար ձայներ ապահովելու եւ փողերի լվացման մասին
Զախարովան Կալլասին և Կոսին համեմատել է վամպիրների հետ՝ Երևանի հետ հարաբերությունների մասին հայտարարո...