Ծեծկռտուք Վրաստանի խորհրդարանում (Տեսանյութ)

Վրաստանի խորհրդարանում վիճաբանություն և ծեծկռտուք է տեղի ունեցել պատգամավորների միջև, երբ ընդդիմության ներկայացուցիչն իշխող կոալիցիային մեղադրել է «արյունալի ընտրություններ» անցկացնելու մեջ:

Ինչպես տեղեկացնում է Новости-Грузия-ն, «Միասնական ազգային շարժում» ամենամեծ ընդդիմադիր կուսակցության պատգամավոր Նիկա Մելիան, դիմելով խորհրդարանի նախագահ Իրակլի Կոբախիձեին, ինչպես նաև մեծամասնական պատգամավոր Հենզել Մկոյանին, հայտարարել է. «Նիստերի դահլիճում ես մի քանի հանցագործների եմ տեսնում: Ձեր խղճին առնվազն մեկ մարդու մահ կա: Մի՛ մտածեք, որ դուք հաղթել եք: Դա աննախադեպ մասշտաբի բռնություն էր, որն իրականացրել է ձեր թիմը: Եվ դուք, պարո՛ն Կոբախիձե, քողարկում եք հանցագործներին»:

Այս հայտարարությունը բողոքի ալիք է բարձրացրել «Վրացական երազանք» իշխող կուսակցության պատգամավորների շրջանում: «Եվս մեկ անգամ ուզում եմ ասել. Մե՛լիա, քեզ այդքան ամբարտավան և անդաստիարակ մի՛ պահիր խորհրդարանում»:

Թեժ քննարկմանն են միացել նաև մյուս պատգամավորները, ինչը րոպեներ անց վերածվել է վիճաբանության, այնուհետև ծեծկռտուքի:

Ինչպես հայտնի է, Վրաստանի ընդդիմությունը հրաժարվում է ընդունել նախագահական ընտրությունների արդյունքները, որոնց համաձայն՝ երկրի նախագահ է ընտրվել Սալոմե Զուրաբիշվիլին, որին աջակցում է իշխող կուսակցությունը:

Այս թեմայով Սահակաշվիլիի կողմնակիցները Իվանիշվիլիից պահանջել են ծնկի գալ եւ ներում հայցել Թբիլիսիում ցուցարարները փորձել են ներխուժել խորհրդարան, իրավիճակը լարված է (տեսանյութ) Վրաստանում պետությունը կշարունակի օգնել փոքր ու միջին հյուրանոցներին Վրաստանը չի կարող բացել սահմանը Հայաստանից զբոսաշրջիկների համար Վրաստանում հաստատվել է կորոնավիրուսով վարակման 2 դեպք