«Օհանյան-Րաֆֆի-Օսկանյան» դաշինքի հանդիպումը Նոր Հաճնում (Տեսանյութ)

Կոտայքի մարզի Չարենցավան քաղաքից «Օհանյան–Րաֆֆի–Օսկանյան» դաշինքի անդամները, ցուցակի առաջին եռյակի՝ գեներալ–գնդապետ Սեյրան Օհանյանի, «Ժառանգություն» կուսակցության փոխնախագահ Արմեն Մարտիրոսյանի և ՀԱՄԱԽՄԲՈՒՄ կուսակցության նախագահ Վարդան Օսկանյանի գլխավորությամբ, նախընտրական քարոզարշավի շրջանակներում այցելել են Նոր Հաճն։
Դիմելով բնակիչներին՝ ՕՐՕ դաշինքի անդամ, «Արաբո» ջոկատի հրամանատար Մանվել Եղիազարյանն ասել է.
–Այսօր այստեղի հավաքվածներից և ոչ ոքի դեմքին ժպիտ չկա, նրանք մտածում են, թե ինչով են կերակրելու իրենց երեխային։ Թաղի հեղինակություններն ասում են՝ ձայնը տվեք «Վաղինակին» կամ ձայնը տվեք «Սահակին», բայց ձեր երեխան այդ ձայնով ի՞նչ պետք է անի։ Նորից տրտնջալու եք, նորից վախենալու եք։ Ես ձե՛զ եմ դիմում, ծնողնե՛ր, եթե դուք վախենում եք ձեր ձայնը տալ, ապա դուք ապրելու իրավունք չունեք, դուք զոհում եք ձեր երեխաներին, դնում եք զոհասեղանին։