Վանաձորում գիշերային ակումբ այցելելը խիստ վտանգավոր է կյանքի համար

Լոռու մարզում, այսօր, սեպտեմբերի 20-ին սպանություն է տեղի ունեցել. ժամը 02։30-ի սահմաններում Ոստիկանության Լոռու մարզային վարչություն ահազանգ է ստացվել, որ Վանաձոր քաղաքի «Պանտերա» գիշերային ակումբում վիճաբանություն-ծեծկռտուք է տեղի ունեցել, ինչի հետեւանքով 1 հոգի սպանվել է։

Shamshyan.com-ի փոխանցմամբ, ոստիկաններն ու քննիչները նշված գիշերային ակումբում հայտնաբերել են սուր կտրող-ծակող առարկայի հարվածից սպանված Վանաձորի բնակիչ 26-ամյա Էդմոն Սանթրոսյանի դին։

Աղբյուրի տեղեկություններով՝ վերջինիս սպանելու կասկածանքով ոստիկաններն ու քննիչները, իրացնելով ստացված օպերատիվ հետախուզական եւ քննչական համատեղ գործողություններ, Լոռու մարզի ոստիկանություն են բերման ենթարկել Վանաձոր քաղաքի բնակիչ 27-ամյա Գաբրիել Պ.-ին։

Աղբյուրի տեղեկություններով՝ բացի սպանվածից կան նաեւ 3-ից ավելի վիրավորներ, որոնց ինքնությունը Լոռու մարզի ոստիկաններն ու քննիչները պարզում են։

Լուրեր Հայաստանից - NEWS.am