Որքան պետք է լինի տարրական և միջին դասարանում սովորողների առավելագույն թիվը

Այսօր կառավարության չզեկուցվող հարցերի շրջանակներում ընդգրկված է Հայաստանի Հանրապետության հանրակրթական հիմնական ծրագրեր իրականացնող պետական ուսումնական հաստատության դասարանների կազմավորման կարգը սահմանելու մասին որոշման նախագիծը, որի նպատակն է հստակեցնել հանրակրթական հիմնական ծրագրեր իրականացնող ուսումնական հաստատություններում դասարանների ձևավորման գործընթացը, դասարաններում սահմանել սովորողների քանակը:

Այսպիսով, նախագծով սահմանվում է, որ հաստատության տարրական և միջին դպրոցի յուրաքանչյուր դասարանում սովորողների առավելագույն թիվը 35 է, ավագ դպրոցի յուրաքանչյուր դասարանում սովորողների առավելագույն թիվը 30 է:

Հաստատությունում ավելի սովորողներ ունենալու դեպքում ձևավորվում են միևնույն առարկայական ծրագրերն ուսումնասիրող մեկից ավելի դասարաններ:

Բազմահամակազմ դասարանները (ուսումնական խմբերը) կարող են լինել երկհամակազմ, եռահամակազմ, քառահամակազմ:

Երկհամակազմ խմբերում սովորողների թիվը չի կարող գերազանցել 15-ը, եռահամակազմ խմբերում՝ 12-ը, իսկ քառահամակազմում՝ 8-ը:

Հատուկ դպրոցի դասարաններում (ուսումնական խմբերում) սովորողների թիվը սահմանվում է. լսողության, տեսողության, հենաշարժական համակարգի, խոսքի ծանր խանգարումներ ունեցող երեխաների, մտավոր հետամնացություն ունեցող երե­խա­­նե­րի հատուկ հանրա­կրթական հաստատու­թյուն­­ներում` 15 սո­վորող, միջին և ծանր մտավոր հետամնացություն և բազմակի խնդիրներ ունե­­ցող երեխաների հատուկ հանրա­կրթական հաստատու­թյուն­­ներում` 9 սո­վորող, հակասոցիալական վարք ունեցող երեխաների հա­տուկ հանրա­կրթա­կան հաստատություններում` 20 սովորող:

Ներկայացված նախագծի նպատակն է հստակեցնել հանրակրթական հիմնական ծրագրեր իրականացնող ուսումնական հաստատություններում դասարանների ձևավորման գործընթացը, դասարաններում սահմանել սովորողների քանակը: