Մերկելի համար նախագահից վերցրել են նրան սպասարկող BMW-ն

«Հրապարակ» թերթը գրում է. «Գերմանիայի կանցլեր Անգելա Մերկելին երեկ դիմավորել են զրահապատ BMW 750-ով, որը սպասարկում է Արմեն Սարգսյանին:

Նրա՝ ՀՀ նախագահ դառնալուց հետո պետական պահպանության ծառայությունը, որպես ծառայողական ավտոմեքենա, հատկացրել է այս BMW-ն:

Բանն այն է, որ պետական ավտոպարկում զրահապատ մեքենաների սղություն կա, եւ որպեսզի Մերկելին դիմավորեին ըստ արարողակարգի պահանջների, ստիպված են եղել այն 1 օրով Արմեն Սարգսյանից վերցնել:

Արմեն Սարգսյանը երեկ տեղափոխվում էր իր անձնական օգտագործման Cadilac Escalade ամենագնացով: Նրա մեքենան կանգնել էր հենց Մերկելին սպասարկող BMW-ի կողքին:

Մենք տեղեկացանք, որ Կանցլերի մեկնումից հետո մեքենան կվերադարձնեն տիրոջը»:

Մանրամասները՝ թերթի այսօրվա համարում