Պուտինն ու Էրդողանը հեռախոսով քննարկել են ոչ թե Արցախի, այլ Սիրիայի հարցը

Ռուսաստանի նախագահ Վլադիմիր Պուտինը հուլիսի 14-ին Թուրքիայի նախագահ Ռեջեփ Էրդողանի հետ հեռախոսով քննարկել է Սիրիայում իրավիճակը։

Կողմերը մասնավորապես կարևորել են համատեղ քայլերով սիրիական ճգնաժամի կարգավորումը՝ հիմնված ՄԱԿ-ի անվտամգության խորհրդի համապատասխան բանաձևերի և Աստանայի բանակցություններում ձեռք բերված պայմանավորվածությունների վրա։

Հուլիսի 4-ին Ղազախստանի մայրաքաղաքում անցկացվել է Սիրիայի հարցով բանակցությունների հինգերորդ փուլը՝ Ռուսաստանի, Թուրքիայի, Իրանի, ինչպես նաև ՄԱԿ-ի պատվիրակության մասնակցությամբ: Միացյալ Նահանգներն ու Հորդանանը բանակցություններին ներկա են եղել դիտորդի կարգավիճակով:

Ռուսաստանի, Իրանի և Թուրքիայի դիվանագետները համաձայնության չեն եկել Սիրիայում պատերազմական գործողություններից կտրված մասերում «դեէսկալացված տարածքներ» սահմանելու շուրջ: Այդուհանդերձ, Ռուսաստանի պատվիրակի խոսքով, բանակցությունների 5-րդ փուլի ժամանակ հարցերի հիմնական շրջանակի շուրջ «էական համաձայնություն» է ձեռք բերվել:

Մոսկվան, նշենք, որ Սիրիայում 7 տարի առաջ սկսված պատերազմում Ասադի առանցքային դաշնակիցն է և 2015 թվականից պաշտոնապես օդային գործողություններ է իրականացնում սիրիական տարածքում՝ կառավարական ուժերին օժանդակելու նպատակով:

Այս թեմայով Քրդերը թուրքերից հետ են վերցրել Ռաս էլ Այն քաղաքը Թուրքիան Սիրիայի հարցով գագաթնաժողով է կազմակերպում Թուրքական բանակը լուրջ կորուստներ է ունեցել Սիրիայի հյուսիսում Էրդողանն ասել է, որ գրոհը համաձայնեցված է եղել Մոսկվայի հետ Թուրքական գրոհից հետո Սիրիայի քրդերը հայտարարել են զոհերի մասին