«Այստեղ պետություն չկա, սա մաֆիայի որջ է»․ Կարո Փայլանը՝ Թուրքիայի ՆԳ նախարարի սպառնալիքների մասին

Թուրքիայի քրդամետ Ժողովրդադեմոկրատական կուսակցության անդամ, խորհրդարանի հայազգի պատգամավոր Կարո Փայլանը մեկնաբանել է Թուրքիայի ներքին գործերի նախարարի՝ իրենց կուսակցության համանախագահին ուղղված սպառնալիքները։

«Եթե նախարարը մաֆիայի ոճով սպառնում է երկրի երրորդ ամենամեծ կուսակցության համանախագահին, ապա այստեղ պետություն չկա, սա մաֆիայի որջ է», - գրել է Փայլանը թվիթերյան իր էջում։

Հիշեցնենք, որ նախօրեին հայտնի է դարձել, որ Թուրքիայի ՆԳ նախարար Սուլեյման Սոյլուն հեռախոսով սպառնացել է Ժողովրդադեմոկրատական կուսակցության նախագահ Փերվին Բուլդանին, ըստ վերջինիս՝ Սոյլուն մահով է սպառնացել իրենց։

«Ասաց՝ «Ձեր չափը սրանից հետո կիմանաք, դուք այլևս ապրելու իրավունք չունեք, ուր ուզում եք, գնացե՛ք», - պատմել է Բուլդանը լրագրողների հետ զրույցի ժամանակ։

Նշենք, որ քրդամետ կուսակցությունը խորհրդարանական ընտրություններում հավաքել է ձայների 11,7 տոկոսը՝ 67 պատգամավորով անցնելով խորհրդարան։ Կարո Փայլանն այսուհետ խորհրդարանում հանդես կգա որպես Դիարբեքիրից ընտրված պատգամավոր։

Այս թեմայով Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին Հայաստանի եւ Թուրքիայի ներկայացուցիչները հանդիպել են հայ-թուրքական սահմանին