Արդեն իսկ պարզ է՝ փոփոխություններն անխուսափելի են

Պաշտոնապես ընտրարշավը չի մեկնարկել, սակայն արդեն այստեղից ու այնտեղից լուրեր են հասնում, թե ռեյտինգային ընտրակարգով առաջադրված ՀՀԿ-ականները միմյանց դեմ կատաղի պայքար են մղում: Ընդ որում, սա մեղմ ձեւակերպում է:

Արդեն լուրեր են շրջանառվում, որ գործը հասել է ծեծուջարդերին, սպառնալիքներին: Եւ սա դեռ սկիզբն է: Սա ռեյտինգային ընտրակարգի եւ երկրում, ավելի ճիշտ կառավարող կուսակցությունում տիրող բարոյահոգեբանական իրավիճակի հետեւանքներն են:

Եւ այս ամենը, ինչպես նաեւ ժողովրդի վերաբերմունքը կառավարող կուսակցությանը, հուշում են, որ Հայաստանում արդեն իսկ փոփոխություններն անխուսափելի են: Այլեւս իշխանությունները չեն կարող կառավարել այնպես, ինչպես նախկինում:

Ընդ որում, կառավարող կուսակցության ազդեցության տակ գտնվող լրատվամիջոցների հրապարակումներն էլ հուշում են, որ որպես հիմնական մրցակից ՀՀԿ-ը ղեկավարությունը տեսնում է ի դեմս «Օհանյան-Րաֆֆի-Օսկանյան» դաշինքի: Որոշլրատվամիջոցներ չեն հոգնում ցեխ շպրտել այս դաշինքի ուղղությամբ: Ի դեպ, որքան շատ են շպրտում, այնքան ժողովուրդն ավելի ճիշտ հետեւություններ է անում եւ թեքվում դեպի Սեյրան Օհանյանի, Րաֆֆի Հովհաննիսյանի եւ Վարդան Օսկանյանի ղեկավարած դաշինքը:

Top-News.am