Արհեստական բանականության միջոցով ստեղծված պատկերը չի կարող սրբապատկեր համարվել
Բելառուսի կաթոլիկ եկեղեցու նախկին առաջնորդ, արքեպիսկոպոս Տադեուշ Կոնդրուսեւիչը հոկտեմբերի 11-ին օրհնել է արհեստական բանականության օգնությամբ ստեղծված սրբապատկերը, հայտնում է բելառուսական Katolik.life թելեգրամյան ալիքը։
Պատկերը գտնվում է Նովոլուկոմլ քաղաքի Սուրբ Մարիամ Մագդաղենացու կաթոլիկ եկեղեցում։ Դրանում պատկերված է Կառլո Ակուտիսը՝ պատանին, որին Վատիկանը սրբադասել է մեկ տարի առաջ։
Katolik.life-ը նշում է, որ սոցցանցերում հավատացյալները քննադատել են Ակուտիսի պատկերի օրհնությունը՝ ընդգծելով, որ արհեստական բանականության միջոցով ստեղծված պատկերը չի կարող սրբապատկեր համարվել։
Katolik.life-ը գրում է, որ սա Բելառուսում արհեստական բանականության ստեղծած սրբապատկերի օծման առաջին դեպքն է։
Կառլո Ակուտիսը իտալացի պատանի էր, որը դեռ մանկուց հավատքի էր եկել։ Նա սովորել էր ծրագրավորել եւ կայքեր էր ստեղծում կաթոլիկ կազմակերպությունների համար։ Նա նաեւ կայք էր ստեղծել, որտեղ փաստագրվում էին աշխարհի տարբեր վայրերում տեղի ունեցած հրաշքները։
2006 թվականին՝ 15 տարեկանում, Ակուտիսը մահացել է սակավարյունությունից։ 2025 թվականին Վատիկանը նրան դասել է սրբեի դասին։
Ակուտիսին անվանում են «համացանցի հովանավոր»։ Նա միլենիալների սերնդի առաջին սուրբն է։
Firebird AI կենտրոնը կարող է օգտագործվել արևմտյան հատուկ ծառայությունների կողմից. Շևցով
Գիտեմ, որ ճիշտ որոշում եմ կայացնում
Իրան այցի շրջանակում քննարկված մի շարք պայմանավորվածություններ իրականություն են դառնում
Մարկո Ռուբիոյին կոչ են արել դադարեցնել Ադրբեջանին ցուցաբերվող ամերիկյան ռազմական աջակցությունը
Իրանի նախագահը հայտարարել է, որ իր երկիրը լայնամասշտաբ պատերազմի վիճակում է
Ջազ համերգ՝ Կասկադի տարածքում
Էլեկտրաէներգիայի ընդհատումներ կլինեն Երևանում և մարզերում
Երբ դուրս ես գալիս խաղադաշտ, մտածում ես բացառապես հաղթանակի մասին
Երկրորդ սերնդի մոլորակ
«Ժողովրդավարությունը՝ որպես Հայաստանի խաղաղության ուղի». դեսպան Նարեկ Մկրտչյանի ելույթը ԱՄՆ-ում