Արարատ-Արմենիա - Ռիգա հանդիպման վայրը փոխվել է

Փոփոխություն է տեղի ունեցել Չեմպիոնների լիգայի խաղարկության որակավորման առաջին փուլի «Արարատ-Արմենիա» - «Ռիգա» (Լատվիա) դիմակայության տնային խաղի անցկացման վայրում: Ինչպես տեղեկացնում է հայկական ակումբի մամուլի ծառայությունը, հուլիսի 7-ին կայանալիք հանդիպումը տեղի կունենա Աբովյանի Վահագն Թումասյանի անվան մարզադաշտում: Խաղի սկիզբը նախատեսված է ժամը 20:00-ին:

Լատվիական ակումբի արգելքը հաղթահարելու դեպքում որակավորման երկրորդ փուլում «Արարատ-Արմենիան» որպես մրցակից կստանա «Ֆլորիանա» (Մալթա) - «Շեմրոկ Ռովերս» (Իռլանդիա) զույգի հաղթողին:

Որակավորման առաջին փուլը չհաղթահարելու դեպքում հայկական թիմը պայքարը կշարունակի Կոնֆերենցիաների լիգայում, որի որակավորման երկրորդ փուլում նրա մրցակիցը կլինի «Վարդար» (Հյուսիսային Մակեդոնիա) - «Կուոպս» (Ֆինլանդիա) զույգի պարտվողը: «Արարատ-Արմենիա» – «Ռիգա» դիմակայության պատասխան հանդիպումը կկայանա հուլիսի 14-ին: