Պարբերականի տեղեկություններով՝ ԱՄՆ նախագահ Դոնալդ Թրամփը հայտարարել է, որ հունիսի 19-ին համաձայնագրի պաշտոնական ստորագրումից հետո Հորմուզի նեղուցը պետք է կրկին բացվի նավարկության համար։ Թերթը նշում է, որ աշխարհի կարևորագույն առևտրային երթուղիներից մեկով տեղաշարժի վերականգնումը կարող է էական ազդեցություն ունենալ նավթի մատակարարումների և համաշխարհային տնտեսության վիճակի վրա։

The Wall Street Journal-ը նաև ընդգծում է, որ համաձայնագրի հետագա ճակատագրի համար վճռորոշ գործոններ կլինեն Իրանի ամերիկյան ծովային շրջափակման վերացումն ու Իսրայելի շուրջ ստեղծված իրավիճակի զարգացումը, որը, պարբերականի գնահատմամբ, նախկինում բարդացնում էր բանակցային գործընթացը։ Թերթի փոխանցմամբ՝ չնայած վերջին ամիսների բանակցություններում եղած բազմաթիվ դժվարություններին ու տապալումներին, Վաշինգտոնի և Թեհրանի վերջին հայտարարությունները վկայում են կողմերի միջև լարվածության զգալի նվազման մասին։