Իսպանիայում մայիսին շոգի հետ կապված մահվան դեպքեր են գրանցվել

Մայիսին Իսպանիայում անսովոր բարձր ջերմաստիճանը հանգեցրել է շոգի հետ կապված ռեկորդային մահերի, մինչդեռ ամառը նոր է սկսվում:

Ըստ Daily mortality Monitoring System-ի (MoMo) գնահատականների՝ անցյալ ամիս գրանցվել է բարձր ջերմաստիճանի հետ կապված 101 մահվան դեպք, ինչը մայիսի համար ամենաբարձր ցուցանիշն է 2015 թվականից ի վեր:

Առողջապահության նախարարության հաշվարկներով՝ մահացության ռիսկն աճում է 9,1-10,7 տոկոսով՝ յուրաքանչյուր աստիճանի հետ, որը գերազանցում է առողջության համար վտանգավոր համարվող շեմը: