Al Rihla գնդակի նորարարության ավելի կատարելագործված տարբերակ

Ֆուտբոլի Աշխարհի 2026 թվականի առաջնությունն աննախադեպ տեխնոլոգիական նորարարություն կբերի խաղադաշտ: Մրցաշարի պաշտոնական գնդակը՝ Trionda-ն, կհամալրվի լրամշակված «Connected Ball Technology» համակարգով, որի շնորհիվ խաղից առաջ գնդակը պետք է լիցքավորել ճիշտ այնպես, ինչպես սովորական սմարթֆոնը։ Այս մասին հայտնում է YNews-ը։

Ինչպես արդեն նշվեց, Trionda-ն մարտկոցով է աշխատում։ Մեկ լիցքավորումը բավարարում է մինչև 6 ժամ անընդմեջ աշխատանքի համար։ Իսկ ամենահետաքրքիրն այն է, որ եթե խաղի ընթացքում գնդակը դուրս է գալիս դաշտից կամ վնասվում է, և այն փոխարինում են նորով, տեխնոլոգիան ավտոմատ կերպով և առանց տվյալների կորստի անմիջապես սկսում է կարդալ նոր գնդակի ինֆորմացիան։ Այս տեխնոլոգիան Քաթար-2022-ում կիրառված Al Rihla գնդակի նորարարության էլ ավելի կատարելագործված տարբերակն է։