Իսրայալեկան ուժերը երբևէ ամենախորը ներխուժումն են ունեցել Լիբանան

Իսրայելական զորքերը գրավել են Լիբանանի հարավում գտնվող ռազմավարական նշանակության Բոֆորտ պատմական ամրոցը՝ իրականացնելով վերջին 26 տարվա ընթացքում իրենց ամենախորը ներխուժումը երկրի տարածք:

Ինչպես հայտնում է բրիտանական «The Guardian» պարբերականը, այս առաջխաղացումը փաստացիորեն ձախողում է ԱՄՆ-ի միջնորդությամբ կնքված հրադադարը և բարդացնում Վաշինգտոնի ու Թեհրանի միջև ընթացող առանձին բանակցությունները։ 

Իսրայելի պաշտպանության նախարար Իսրայել Կացը հաստատել է ամրոցի գրավումը, իսկ իսրայելական ուժերն այժմ շարժվում են դեպի Նաբատիա քաղաք՝ փորձելով շրջափակել Լիբանանի հարավի տնտեսական ու մշակութային այս կարևոր կենտրոնը:

Ֆրանսիայի արտաքին գործերի նախարար Ժան-Նոել Բարոն անընդունելի է որակել Իսրայելի գործողությունները և ՄԱԿ-ի Անվտանգության խորհրդի հրատապ նիստ է պահանջել: 

Միևնույն ժամանակ, ռազմական փորձագետները նշում են, որ հարձակումն ավելի շատ «իմիջային հաղթանակ» է, քանի որ «Հեզբոլլահի» ներուժը դեռևս պահպանված է, և խմբավորումը շարունակում է հրթիռակոծել Իսրայելի հյուսիսային շրջանները։ Լիբանանի առողջապահության նախարարության տվյալներով՝ մարտի 2-ից ի վեր իսրայելական հարվածների հետևանքով երկրում զոհվել է ավելի քան 3300 մարդ, իսկ մեկ միլիոնից ավելին տեղահանվել է։